అఫీషియల్: స్టన్నింగ్ పోస్టర్ తో “పుష్ప 2” లో డాన్సింగ్ క్వీన్..

ప్రస్తుతం పాన్ ఇండియా ఆడియెన్స్ ఓ రేంజ్ లో ఎదురు చూస్తున్న భారీ చిత్రాల్లో ఐకాన్ స్టార్ అల్లు అర్జున్ హీరోగా రష్మికా మందన్నా హీరోయిన్ గా సుకుమార్ తెరకెక్కిస్తున్న భారీ పాన్ ఇండియా సినిమా “పుష్ప 2 ది రూల్” అనే చెప్పాలి. మరి ఈ సినిమా కోసం అభిమానులు ఓ రేంజ్ లో ఆసక్తిగా ఎదురు చూస్తుండగా ఈ సినిమా నుంచి ఇపుడు ఒకో సాలిడ్ అప్డేట్ అయితే బయటకి వస్తుంది.

మరి రీసెంట్ గానే ఈ సినిమా ఐటెం సాంగ్ లో డాన్సింగ్ డైనమైట్ శ్రీలీల కనిపిస్తుంది అని టాక్ వచ్చింది. తర్వాత లీక్ కూడా అయ్యింది. మరి ఫైనల్ గా మేకర్స్ అఫీషియల్ క్లారిటీ ఇచ్చేసారు. మరి తమ డాన్సింగ్ క్వీన్ శ్రీలీల అంటూ ఆమెపై ఒక గ్లామరస్ అండ్ స్టన్నింగ్ పోస్టర్ తో ప్రకటించేసారు. దీనితో ఈ భారీ సినిమాలో పుష్ప రాజ్ తో కలిసి చిందేసేది ఈమె అని చెప్పాలి. మరి ఇద్దరి కలయికలో ఎలాంటి మూమెంట్స్ కనిపిస్తాయో చూడాలి. ఇక ఈ చిత్రానికి దేవిశ్రీ ప్రసాద్ సంగీతం అందిస్తుండగా మైత్రి మూవీ మేకర్స్ నిర్మాణం వహిస్తున్నారు.