నటసింహం నందమూరి బాలకృష్ణ ప్రస్తుతం యువ సక్సెస్ఫుల్ డైరెక్టర్ అనిల్ రావిపూడి దర్శకత్వంలో భగవంత్ కేసరి మూవీ చేస్తోన్న విషయం తెలిసిందే. కాజల్ హీరోయిన్ గా నటించిన ఈ మూవీలో శ్రీలీల కీలక పాత్ర చేయగా షైన్ స్క్రీన్స్ బ్యానర్ ఫై సాహు గారపాటి, హరీష్ పెద్ది దీనిని గ్రాండ్ లెవెల్లో నిర్మిస్తున్నారు. థమన్ సంగీతం అందిస్తున్న ఈ మూవీ పై అందరిలో మంచి అంచనాలు ఉన్నాయి. ఈ మూవీ అక్టోబర్ 19న ఆడియన్స్ ముందుకి రానుంది.
ఇక మరోవైపు ప్రముఖ ఓటిటి ప్లాట్ ఫామ్ ఆహాలో ఇప్పటికే అన్ స్టాపబుల్ రెండు సీజన్స్ లో హోస్ట్ గా అదరగొట్టి ఆకట్టుకున్న బాలకృష్ణ తాజాగా అన్ స్టాపబుల్ లిమిటెడ్ ఎడిషన్ ద్వారా ఆడియన్స్ ముందుకి రానున్నారు. ఈ తాజా సీజన్ యొక్క ఫస్ట్ ఎపిసోడ్ గ్రాండ్ లెవెల్లో అక్టోబర్ 17న ఆహాలో టెలికాస్ట్ కానుండగా ఈ ఎపిసోడ్ లో భగవంత్ కేసరి టీమ్ ప్రత్యేకంగా సందడి చేయనుంది. కాగా భగవంత్ కేసరి హీరోయిన్ కాజల్, శ్రీలీల, విలన్ పాత్రధారి అర్జున్ రామ్ పాల్, డైరెక్టర్ అనిల్ రావిపూడి విచ్చేసిన ఈ ఎపిసోడ్ యొక్క పిక్స్ ని కొద్దిసేపటి క్రితం ఆహా వారు అఫీషియల్ గా రిలీజ్ చేసారు. ప్రస్తుతం ఈ పిక్స్ సోషల్ మీడియాలో వైరల్ అవుతున్నాయి.
