లేటెస్ట్ గా మన టాలీవుడ్ నుంచి వచ్చిన రీసెంట్ హిట్ చిత్రాల్లో ఓ సాలిడ్ హిట్ చిత్రం “ఒకే ఒక జీవితం” కూడా ఒకటి. దర్శకుడు శ్రీకార్తీక్ తెరకెక్కించిన ఈ చిత్రంలో యంగ్ అండ్ టాలెంటెడ్ హీరో శర్వానంద్ హీరోగా నటించగా ప్రియదర్శి మరియు వెన్నెల కిషోర్ లు కూడా ప్రధాన పాత్రల్లో నటించారు. మరి తెలుగు సహా తమిళ్ లో ఏకకాలంలో తెరకెక్కి రిలీజ్ అయ్యిన ఈ చిత్రం సూపర్ హిట్ అయ్యింది.
సైన్స్ ఫిక్షన్ సహా ఎమోషనల్ హిట్ గా నిలిచిన ఈ చిత్రం అయితే ఇప్పుడు ఓటీటీలో అలరించడానికి వచ్చేసింది. ఈ చిత్రాన్ని సోనీలివ్ వారు సొంతం చేసుకోగా ఇప్పుడు ఈ చిత్రం ఇందులో ఈరోజు నుంచి స్ట్రీమింగ్ కి తీసుకొచ్చింది. మరి అప్పుడు కానీ ఈ సినిమాని మిస్ అయ్యినవారు డెఫినెట్ గా ఇప్పుడు ఈ చిత్రాన్ని చూడవచ్చు. ఇక ఈ చిత్రంలో ప్రముఖ నటి అమల అక్కినేని ఓ కీలక పాత్రలో నటించగా డ్రీమ్ వారియర్ పిక్చర్స్ వారు నిర్మాణం వహించారు.