టాలీవుడ్ యంగ్ అండ్ టాలెంటెడ్ హీరో శర్వానంద్ హీరోగా శ్రీ కార్తీక్ దర్శకత్వం లో తెరకెక్కిన సైన్స్ ఫిక్షన్ డ్రామా ఒకే ఒక జీవితం. ఈ చిత్రం థియేటర్ల లో గతేడాది విడుదల అయ్యి ప్రేక్షకులను ఆకట్టుకుంది. ఈ చిత్రం ఇప్పుడు వరల్డ్ టెలివిజన్ ప్రీమియర్ గా బుల్లితెర ప్రేక్షకులను త్వరలో అలరించనుంది. ప్రముఖ టీవీ ఛానల్ అయిన జెమిని టీవీ ఈ సినిమా యొక్క శాటిలైట్ హక్కులను దక్కించుకుంది.
అమల అక్కినేని, రీతూ వర్మ, వెన్నెల కిషోర్, ప్రియదర్శి, సతీష్, రమేష్ తిలక్ తదితరులు కీలక పాత్రల్లో నటించిన ఈ చిత్రాన్ని డ్రీమ్ వారియర్ పిక్చర్స్ పతాకంపై ఎస్. ఆర్ ప్రకాష్ బాబు మరియు ఎస్. ఆర్ ప్రభు లు సంయుక్తంగా నిర్మించారు. జేక్స్ బిజాయ్ సంగీతం అందించిన ఈ చిత్రం తమిళం లో కూడా రిలీజ్ అయ్యింది. ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.