ప్రస్తుతం ఐకాన్ స్టార్ అల్లు అర్జున్ హీరోగా రష్మికా మందన్నా హీరోయిన్ గా దర్శకుడు సుకుమార్ తెరకెక్కిస్తున్న అవైటెడ్ సీక్వెల్ చిత్రం “పుష్ప 2” కోసం అందరికీ తెలిసిందే. పాన్ ఇండియా లెవెల్లో ఈ చిత్రానికి సాలిడ్ బజ్ నెలకొంది. అయితే సినిమా రిలీజ్ విషయం లోనే కాకుండా ఇటీవల ఇతర కారణాలు చేత కూడా అల్లు అర్జున్ వార్తల్లోకి వచ్చాడు. అయితే ఇప్పుడు అనూహ్యంగా మరోసారి ఐకాన్ స్టార్ హాట్ టాపిక్ గా మారాడు. తాజాగా అల్లు అర్జున్ తన గడ్డం లుక్ ని కాస్త ట్రిమ్డ్ లుక్ లోకి మార్చడం వైరల్ గా మారింది. అయితే అసలు పుష్ప సినిమాలో తగ్గేదెలే అంటూ అల్లు అర్జున్ తన గడ్డంతో చేసిన మ్యానరిజాలు ఎంత హైలైట్ అయ్యాయో అందరికీ తెలిసిందే.
అలాంటిది పుష్ప షూట్ ఇంకా కొనసాగుతూ ఉండగానే బన్నీ తన లుక్ మార్చేయడం చర్చకు దారి తీసింది. అయితే ఇది కొందరు పాత లుక్ అంటున్నారు మరికొందరు కొత్త లుక్ అనే అంటున్నారు. మొత్తానికి మాత్రం ఇది ఎప్పటి లుక్ అయినా కూడా ఐకాన్ స్టార్ కొత్త ఛేంజ్ విషయంలో ఒక్కసారిగా అంతా హాట్ టాపిక్ గా మారింది. ఇక ఈ భారీ చిత్రానికి దేవిశ్రీప్రసాద్ సంగీతం అందిస్తున్నాడు అలాగే ఈ డిసెంబర్ 6న సినిమా పాన్ ఇండియా లెవెల్లో రిలీజ్ కాబోతోంది.