రెబల్ స్టార్ ప్రభాస్ హీరోగా, డైరెక్టర్ మారుతి దర్శకత్వంలో తెరకెక్కుతున్న ది రాజా సాబ్ చిత్రంకు సంబందించిన గ్లింప్స్ నేడు రిలీజ్ అయ్యింది. ఈ వీడియోకు ప్రేక్షకుల నుండి, అభిమానుల నుండి సూపర్ రెస్పాన్స్ వస్తోంది. వీడియోను చూస్తుంటే, ఈ చిత్రం కూడా సూపర్ హిట్ పక్కా అన్నట్లు తెలుస్తోంది. అయితే ఇందులో మేకర్స్ రిలీజ్ డేట్ ను కూడా అనౌన్స్ చేయడం జరిగింది. ఏప్రిల్ 10, 2025 న వరల్డ్ వైడ్ గా పాన్ ఇండియా భాషల్లో రిలీజ్ చేస్తున్నట్లు ప్రకటించారు. ఇది ఫ్యాన్స్ కి గుడ్ న్యూస్ అని చెప్పాలి.

అయితే ఇప్పుడు యష్ హీరోగా నటిస్తున్న టాక్సిక్ చిత్రం హాట్ టాపిక్ గా మారుతోంది. గీతూ మోహన్ దాస్ దర్శకత్వంలో తెరకెక్కుతున్న ఈ టాక్సిక్ చిత్రం ఏప్రిల్ 10, 2025 న రిలీజ్ కానున్నట్లు మేకర్స్ తెలిపారు. అయితే యష్ నటిస్తున్న ఈ చిత్రం వాయిదా పడే అవకాశాలు ఉన్నాయి అని తెలుస్తోంది. ఈ రెండు భారీ చిత్రాలు ఒకే రోజున రిలీజ్ అయ్యే అవకాశాలు చాలా తక్కువ. టాక్సిక్ చిత్రం షూటింగ్ పూర్తి కావడానికి చాలా సమయం పట్టే అవకాశం ఉంది.

ఈ చిత్రంలో నయనతార, కియారా అద్వానీ, హుమా ఖురేషి కీలక పాత్రల్లో నటిస్తున్నారు. గ్యాంగ్‌స్టర్ యాక్షన్ డ్రామాగా తెరకెక్కుతున్న ఈ చిత్రాన్ని కెవిఎన్ ప్రొడక్షన్స్ బ్యానర్‌పై వెంకట్ కె నారాయణ నిర్మిస్తున్నారు. మరోవైపు, ది రాజా సాబ్‌ను టిజి విశ్వ ప్రసాద్ నిర్మిస్తున్నారు. ఇందులో సంజయ్ దత్, మాళవిక మోహనన్, నిధి అగర్వాల్ మరియు రిద్ధి కుమార్ కీలక పాత్రలు పోషిస్తున్నారు.