హీరో నితిన్ నటిస్తున్న లేటెస్ట్ మూవీ ‘రాబిన్‌హుడ్’ డిసెంబర్ 20న గ్రాండ్ రిలీజ్‌కు రెడీ అవుతోంది. ఇక ఈ సినిమాను పూర్తి క్రైమ్ యాక్షన్ థ్రిల్లర్ మూవీగా దర్శకుడు వెంకీ కుడుముల డైరెక్ట్ చేస్తున్నాడు. ఈ సినిమా నుండి ఫస్ట్ సింగిల్ సాంగ్‌ను రిలీజ్ చేసేందుకు మేకర్స్ సిద్ధమైన సంగతి తెలిసిందే.
అయితే, తాజాగా ఈ ఫస్ట్ సింగిల్ సాంగ్ ప్రోమోను రిలీజ్ చేశారు. ‘వన్ మోర్ టైమ్’ అంటూ సాగే ఈ సాంగ్‌ను మ్యూజిక్ డైరెక్టర్ జి.వి.ప్రకాష్ కుమార్ పాడాడు. ఆయనతో పాటు పాప్ క్వీన్ విద్యా వోక్స్ కూడా ఈ పాటను పాడింది. క్యాచీ ట్యూన్‌తో ఈ పాట రాబోతుందని ఈ ప్రోమో సాంగ్ చూస్తే అర్థమవుతోంది.
ఇక ఈ సినిమాలో యంగ్ బ్యూటీ శ్రీలీల హీరోయిన్‌గా నటిస్తుండటంతో ఈ పాటలో ఆమె డ్యాన్స్ ఎలా ఉండబోతుందా అనే ఆసక్తి క్రియేట్ అవుతోంది. ఈ పాట ఎలా ఉంటుందో తెలియాలంటే పూర్తి సాంగ్ రిలీజ్ అయ్యే వరకు వెయిట్ చేయాల్సిందే.
వీడియో కోసం ఇక్కడ క్లిక్ చేయండి