దర్శకుడు విజయ్ కనకమేడల తెరకెక్కిస్తున్న మల్టీస్టారర్ మూవీ ‘భైరవం’ ప్రస్తుతం శరవేగంగా షూటింగ్ జరుపుకుంటోంది. ఈ సినిమాలో బెల్లంకొండ సాయి శ్రీనివాస్, నారా రోహిత్, మంచు మనోజ్ నటిస్తుండటంతో ఈ సినిమాపై అంచనాలు క్రియేట్ అవుతున్నాయి. ఇక ఈ సినిమా నుంచి ‘ఓ వెన్నెల’ అనే సాంగ్‌ను బెల్లంకొండ సాయి శ్రీనివాస్ పుట్టినరోజు కానుకగా రీలీజ్ చేశారు.
ఈ పాటను న్యాచురల్ స్టార్ నాని లాంచ్ చేశారు. మంచి క్యాచీ ట్యూన్‌తో ఈ పాటను శ్రీచరణ్ పాకాల కంపోజ్ చేశారు. ఈ పాటను బెల్లంకొండ సాయి శ్రీనివాస్, అదితి శంకర్‌లపై చిత్రీకరించారు. కోనసీమ అందాలను ఈ పాటలో అద్భుతంగా తెరకెక్కించారు. ఇక అనురాగ్ కుల్‌కర్ణి, యామిని ఘంటసాల ఈ పాటను చక్కగా పాడారు. రొమాంటిక్ సాంగ్‌గా వచ్చిన ‘ఓ వెన్నెల’ పాట ప్రేక్షకులను ఆకట్టుకుంటుంది.
ఈ సినిమాలో ఆనంది దివ్య పిల్లై, జయసుధ, అజయ్, సంపత్ రాజ్, సందీప్ రాజ్, వెన్నెల కిషోర్ తదితరులు ఇతర ముఖ్య పాత్రల్లో నటిస్తున్నారు. ఈ సినిమాను శ్రీ సత్య సాయి ఆర్ట్స్ బ్యానర్‌పై కె.కె.రాధామోహన్ ప్రొడ్యూస్ చేస్తున్నారు.
