యువ నటుడు అల్లు శిరీష్ హీరోగా గీతా ఆర్ట్స్ 2, శ్రీ తిరుమల ప్రొడక్షన్ బ్యానర్స్ పై బన్నీ వాసు, విజయ్ కుమార్ ఎం, ధీరజ్ మొగిలినేని నిర్మాతలుగా తెరకెక్కిన తాజా మూవీ ఊర్వశివో రాక్షసివో. రాకేష్ శశి దర్శకత్వంలో తెరకెక్కిన ఈ లవ్, రొమాంటిక్, ఫ్యామిలీ ఎంటర్టైనర్ కి అచ్చు రాజమణి, అనూప్ రూబెన్స్ మ్యూజిక్ అందించారు. సునీల్, వెన్నెల కిషోర్, పోసాని కృష్ణమురళి, ఆమని, అనీష్ కురువిల్లా తదితరులు కీలక పాత్రలు చేసిన ఈ మూవీ నిన్న ప్రేక్షకుల ముందుకి వచ్చి సూపర్ హిట్ టాక్ తో మంచి కలెక్షన్స్ తో కొనసాగుతోంది.
ఇక ఈ మూవీ యొక్క ఒటిటి ప్రసార హక్కులని ప్రముఖ సంస్థలు ఆహా, నెట్ ఫ్లిక్స్ సొంతం చేసుకున్నాయి. అన్ని వర్గాల ఆడియన్స్ ని ఆకట్టుకుని ప్రస్తుతం థియేటర్స్ లో దూసుకెళ్తున్న ఊర్వశివో రాక్షసివో మూవీ సక్సెస్ సెలబ్రేషన్స్ రేపు హైదరాబాద్ లో జరగనుండగా ఈ వేడుకకి ఐకాన్ స్టార్ అల్లు అర్జున్ చీఫ్ గెస్ట్ గా హాజరుకానున్నారు.