ప్రముఖ నటుడు బాబీ సింహా ఇటీవల బృందా దర్శకత్వం వహించిన కోనసీమ థగ్స్‌లో కీలక పాత్రలో కనిపించారు. అంతకు ముందు ఆయన నటించిన వసంత కోకిల చిత్రం విడుదలై ప్రేక్షకుల నుండి మిశ్రమ స్పందనను అందుకుంది. ఇప్పుడు, ఈ చిత్రం డిజిటల్ ప్రీమియర్ కి సిద్ధం అవుతోంది. తాజాగా డిజిటల్ ప్రీమియర్ కి సంబంధించిన విడుదల తేదీని లాక్ చేసింది.
సైకలాజికల్ థ్రిల్లర్‌ను మార్చి 3, 2023న ప్రదర్శించడానికి సిద్ధంగా ఉన్నామని ప్రముఖ తెలుగు ఓటిటి ప్లాట్‌ఫారమ్ ఆహా వీడియో ప్రకటించింది. థియేటర్లలో సినిమాను మిస్ అయిన వారు రేపటి నుండి ఆహాలో సినిమాను ఆస్వాదించవచ్చు. నూతన దర్శకుడు రమణ పురుషోత్తం దర్శకత్వం వహించిన ఈ చిత్రంలో కశ్మీరా పరదేశి కథానాయికగా నటించింది. రాజేష్ మురుగేశన్ సంగీతం అందించిన ఈ చిత్రంలో నటుడు ఆర్య కీలక పాత్ర పోషించారు.