విడుదల తేదీ : జూన్ 15, 2023
123తెలుగు.కామ్ రేటింగ్ : 2.75/5
నటీనటులు: రిషి,షెల్లీ, రవి కాలే, దేవియాని, జాఫర్ సాదిక్, లీనా, నితిన్ ప్రసన్న, కామాక్షి భాస్కర్ల, మణికందన్, రవి కుమార్, అనీషా దామా, సంజయ్ కృష్ణ తదితరులు
దర్శకుడు : మహి వి రాఘవ్
నిర్మాతలు: మహి వి రాఘవ్, చిన్న వాసుదేవ రెడ్డి
సంగీత దర్శకుడు: శ్రీరామ్ మద్దూరి
సినిమాటోగ్రఫీ: షణ్ముగ సుందరం
ఎడిటర్: శ్రవణ్ కటికనేని
సంబంధిత లింక్స్: ట్రైలర్
యాత్ర దర్శకుడు మహి వి రాఘవ్ తాజాగా షైతాన్ అనే క్రైమ్ వెబ్ సిరీస్‌తో ఆడియన్స్ ముందుకు వచ్చారు. రిషి,షెల్లీ, రవి కాలే, దేవియాని మరియు జాఫర్ సాదిక్ కీలక పాత్రల్లో నటించిన ఈ సిరీస్ ప్రస్తుతం డిస్నీ ప్లస్ హాట్‌స్టార్‌లో ప్రసారం అవుతోంది. మరి ఈ సిరీస్ ఎలా ఉందో సమీక్షలో చూద్దాం.
కథ :
మదనపల్లెలో జరిగే ఈ సిరీస్ యొక్క కథ ఘోరమైన అన్యాయం కాబడ్డ నక్సలైట్లు మరియు పోలీసు శాఖతో వారి పోరాటం చుట్టూ తిరుగుతుంది. సావిత్రి (షెల్లీ) బాలి (రిషి), జయప్రద (దేవియాని), మరియు గుమ్తి (జాఫర్ సాదిక్) అనే ముగ్గురు పిల్లలకు ఒంటరి తల్లి. అయితే సావిత్రి తన పిల్లలని పెంచడం కోసం అవినీతిపరుడైన పోలీసుకి లొంగిపోయి అతడికి శారీరక సుఖాన్ని అందిస్తుంటుంది. అందుకే సమాజం ఆమెను తిరుగుబోతుగా ముద్రిస్తుంది. అనంతరం పరిస్థితులు బాలిని నేరస్థుడిని చేస్తాయి మరియు అతను నక్సల్స్ గ్రూపులో చేరతాడు. అలాగే, బాలి కుటుంబం తమ మనుగడ కోసం ఎంతకైనా తెగించాలని నిర్ణయించుకుంటుంది. నక్సలైట్‌గా పరిణామం చెందిన బాలి అతని కుటుంబాన్ని ఎలా ప్రభావితం చేస్తాడు, ఆపైన కథ ఏవిధంగా అముందుకు సాగింది అనేది తెలియాలి అంటే ఈ సిరీస్ చూడాల్సిందే.
ప్లస్ పాయింట్స్ :
ఈ కథ ఏదో నవల కాదు కానీ కథనం ఆడియన్స్ ని వీక్షించేలా చేస్తుంది. ప్రారంభంలో ఈ సిరీస్ ఒక కుటుంబం ఎదుర్కొనే అఘాయిత్యాలను మనకు చూపిస్తుంది. ఇది పాత్రల పై మనకు సానుభూతి కలిగిస్తుంది. మీరు దానిని నేరం అంటారు, వారు దానిని మనుగడ అని పిలుస్తారు అంటూ షైతాన్ యొక్క ట్యాగ్‌లైన్‌కు ఇది కరెక్ట్ గా న్యాయం చేసినట్లు అనిపిస్తుంది. బాలి పాత్ర‌ను క్రిమిన‌ల్‌గా మార్చిన అంశాలను చ‌క్క‌గా ప్ర‌జెంట్ చేశారు. బాలిగా రిషి అద్భుతంగా నటించాడు. యువ కన్నడ నటుడు నేరస్థుడిగా ఆ పాత్రకు సరిగ్గా సరిపోయాడు మరియు అతను తన అద్భుతమైన నటనతో అందరినీ ఆకట్టుకున్నాడు. అతను యాక్షన్ సీక్వెన్స్‌లలో వివిధ భావోద్వేగాలను తన నటనలో చూపించి అలరించాడు. ప్రధాన పాత్ర రవి కాలే కూడా తన పాత్రని పరిపూర్ణంగా చేసాడు. షెల్లీ, దేవియాని, జాఫర్ సాదిక్, కామాక్షి భాస్కర్ల తదితరులు కూడా తమ పాత్రలకు న్యాయం చేశారు. సిరీస్‌లోని చివరి కొన్ని ఎపిసోడ్‌లు ఆసక్తికరంగా ఉన్నాయి. బూటకపు ఎన్‌కౌంటర్లు, సమాజంలో కొంతమంది వ్యక్తులు ఎదుర్కొంటున్న ఘోరమైన అన్యాయం మరియు కొంతమంది స్త్రీలను కేవలం కోరికల వస్తువులుగా ఎలా పరిగణిస్తున్నారనే అంశాలు బాగా చూపించబడ్డాయి. కొన్ని డైలాగులు కూడా ఆకట్టుకుంటాయి.
మైనస్ పాయింట్స్ :
నక్సల్ బ్యాక్‌డ్రాప్‌లో గతంలో చాలా సినిమాలు వచ్చాయి, పోలీసులు మరియు నక్సల్స్ మధ్య వైరాన్ని మాత్రమే వాటిలో హైలైట్ చేస్తూ వచ్చారు. నక్సల్ భావజాలం గురించి మరియు వారి సూత్రాల గురించి మనకు చాలా తక్కువగా చూపించేవారు. కానీ దురదృష్టవశాత్తు మేకర్స్ షైతాన్ విషయంలో కూడా అదే పంథా అనుసరించారు. ఒక కీలక సన్నివేశం తప్ప, వారి ఎజెండా గురించి మాట్లాడేది చాలా తక్కువ. సిరీస్ ప్రధానాంశం వారిపై కేంద్రీకృతమై ఉన్నందున, ఆదర్శంగా, వారి ఉద్దేశ్యం మరియు లక్ష్యాలను చిత్రీకరించే మరిన్ని సన్నివేశాలు ఉండి ఉంటే బాగుండేదనిపిస్తుంది. బాలి పాత్ర నక్సల్స్‌లో చేరడం జరుగుతుంది, కానీ అతని ప్రయాణాన్ని నక్సలైట్‌గా మనకు సరిగ్గా చూపించలేదు. కొద్దిసేపటిలో, అతను ఒక పెద్ద చేపను చంపడానికి ప్రయత్నించి వెంటనే జైలుకి వెళతాడు. మేకర్స్ అతని ఎదుగుదలను గురించి మరిన్ని సన్నివేశాలు జోడించి ఉంటె బాగుండేది. ఒక కీలక పాయింట్ తర్వాత సిరీస్ చాలావరకు ఊహించదగినదిగా మారుతుంది మరియు మనము చాలా సన్నివేశాలను ముందుగానే ఊహించవచ్చు. అయితే ఈ సిరీస్‌లో విపరీతమైన హింస మరియు ద్వంద్వార్థ పదాలు ఉంటాయని ఇప్పటికే మేకర్స్ పేర్కొన్నారు. ఒక విధంగా, షైతాన్ మినీ మీర్జాపూర్ అని చెప్పవచ్చు, అందుకే ఇది కొన్ని వర్గాల ప్రేక్షకులకు మాత్రమే నచ్చుతుంది. కొన్ని సమయాల్లో ఈ పదాలు కేవలం సిరీస్ కి బోల్డ్ టచ్ ఇవ్వడానికి కావలసిన విధంగా రాసుకున్నారా అని మనకి అనిపిస్తుంది.
సాంకేతిక వర్గం :
ఇక సిరీస్ లో శ్రీరామ్ మద్దూరి బ్యాక్ గ్రౌండ్ స్కోర్ అదిరిపోయింది. సినిమాటోగ్రాఫర్ షణ్ముగ సుందరం ప్రతి ఎపిసోడ్ విజువల్స్ ని అద్భుతంగా తీశారు. ప్రతి ఎపిసోడ్ యొక్క సగటు రన్‌టైమ్ 25 నిమిషాలతో ఉండడంతో సిరీస్ వేగంగా ముందుకు సాగేలా ఎడిటింగ్ బాగా చేసారు. చివరిగా దర్శకుడు మహి వి రాఘవ్ విషయానికి వస్తే, అతను షైతాన్‌తో మరొక్కసారి తన టాలెంట్ నిరూపించుకున్నారు. క్రైమ్ వరల్డ్‌లో సాగే ఈ సిరీస్ వాస్తవికంగా అనిపిస్తుంది. దర్శకుడు తన నటీనటుల నుండి ఉత్తమమైన నటనని బయటకు తీసి ఆకట్టుకున్నారు. కానీ ఈ సిరీస్ చాలావరకు ఊహించదగినదిగా సాగుతుంది. అలాగే, చాలా సన్నివేశాలు పునరావృతమవుతాయి మరియు నక్సలిజం గురించి చాలా తక్కువ సీన్స్ మాత్రమే ఉన్నాయి. మేకర్స్ పేర్కొన్న కీలక అంశాలను మరింతగా చెప్పి, ఇతర అంశాలు తగ్గించి ఉంటే ఈ సిరీస్ మరింత ఆకట్టుకునేది.
తీర్పు :
మొత్తంగా షైతాన్ క్రైమ్ సిరీస్, అక్కడక్కడా మాత్రమే ఆకట్టుకుంటుంది. వాస్తవిక నేపథ్యం, అలరించే కొన్ని సీన్స్ మరియు చివరి కొన్ని ఎపిసోడ్‌లు దీని బలం. కానీ సిరీస్ చాలా వరకు ఊహించదగినదిగా సాగడంతో పాటు కొన్ని కీలకమైన అంశాలు ఆకట్టుకునేలా ఉండవు. ఒకరకంగా ఈ సిరీస్ మీర్జాపూర్ తరహాలో ఉంది, ఇది కొన్ని వర్గాల ప్రేక్షకులని మాత్రమే ఆకట్టుకుంటుంది. అయితే క్రైమ్ సాగా కథలను ఇష్టపడే వారికి సైతాన్ పర్వాలేదనిపించేదిగా అనిపిస్తుంది.
123telugu.com Rating: 2.75/5
Reviewed by 123telugu Team
