ప్రస్తుతం పవర్ స్టార్ పవన్ కళ్యాణ్ హీరోగా యంగ్ అండ్ టాలెంటెడ్ బ్యూటీ నిధి అగర్వాల్ హీరోయిన్ గా దర్శకులు క్రిష్ జాగర్లమూడి అలాగే జ్యోతి కృష్ణ తెరకెక్కిస్తున్న భారీ పీరియాడిక్ చిత్రం “హరి హర వీరమల్లు” కోసం తెలిసిందే. పవన్ కెరీర్ లో అనౌన్స్ అయ్యిన మొట్ట మొదటి పాన్ ఇండియా సినిమా ఇది కాగా భారీ హైప్ ఈ సినిమాపై అప్పట్లో నెలకొంది. కానీ ఈ చిత్రం అలా ఆలస్యం అవుతూ వస్తుండడం మాత్రం అభిమానులని నీరు గార్చింది.
దాదాపు నాలుగేళ్లు అయ్యిపోయిన ఈ సినిమా ఇంకా షూటింగ్ లో బిజీగా ఉంది. అయితే ఈ చిత్రం మళ్ళీ చాలా కాలం విరామం తర్వాత షూటింగ్ ని పునః ప్రారంభం చేసుకోనున్నట్టుగా ఇప్పుడు కన్ఫర్మ్ అయ్యింది. అతి త్వరలోనే పవన్ ఈ సినిమా షూటింగ్ లో పాల్గొననుండగా ఆల్రెడీ ఓ భారీ యాక్షన్ సీక్వెన్స్ తో ఈ సీక్వెన్స్ తాలూకా ఇతర సన్నివేశాలు మొదలయ్యాయి అని కన్ఫర్మ్ అయ్యింది.
ప్రముఖ యాక్షన్ కొరియోగ్రాఫర్ స్టంట్ స్లివ ఈ సీక్వెన్స్ ని తెరకెక్కిస్తుండగా మొత్తం 400 నుంచి 500 మందితో ఈ సీన్ ని ప్లాన్ చేశారట. ఇలా మొత్తానికి అయితే మళ్ళీ వీరమల్లు షూట్ తిరిగి ప్రారంభం కానుంది అని చెప్పాలి. ఇక ఈ చిత్రానికి ఏ ఎం రత్నం నిర్మాణం వహిస్తుండగా ఈ ఏడాది రిలీజ్ కే ఈ సినిమా రానుంది.
