పవర్ స్టార్ పవన్ కళ్యాణ్ నటిస్తున్న లేటెస్ట్ మూవీ ‘హరిహర వీరమల్లు’ కోసం ప్రేక్షకులు ఎంత ఆసక్తిగా ఎదురుచూస్తున్నారో అందరికీ తెలిసిందే. ఈ సినిమాను దర్శకుడు జ్యోతి కృష్ణ డైరెక్ట్ చేస్తున్నాడు. ఇప్పటికే షూటింగ్ జరుపుకుంటున్న ఈ సినిమాపై అంచనాలు భారీగా నెలకొన్నాయి.
అయితే, తాజాగా ఈ చిత్ర షూటింగ్‌లో పవన్ కళ్యాణ్ పాల్గొన్నట్లుగా తెలుస్తోంది. ఇటీవల రాజకీయంగా చాలా బిజీగా ఉన్న పవన్, ఇప్పుడు కొంత సమయాన్ని తన సినిమా కోసం కేటాయించాడు. అంతేగాక, షూటింగ్ సెట్స్ నుండి ఓ ఫోటోను కూడా సోషల్ మీడియాలో పోస్ట్ చేశాడు.
ఇలా పవన్ తిరిగి షూటింగ్ సెట్స్‌కి రావడంతో అభిమానులు సంతోషం వ్యక్తం చేస్తున్నారు. పొలిటికల్‌గా బిజీ ఉన్నప్పటికీ, సినిమా కోసం సమయం తీసుకుని షూటింగ్‌లో పాల్గొనడంతో అభిమానులు హర్షం వ్యక్తం చేస్తున్నారు.
