మన టాలీవుడ్ స్టార్ హీరో అలాగే ఏపీకి ఉప ముఖ్యమంత్రి కూడా అయినటువంటి పవన్ కళ్యాణ్ ఇపుడు ఫుల్ బిజీగా ఉన్న సంగతి తెలిసిందే. అయితే ఈ బిజీలో తన భారీ సినిమా “హరిహర వీరమల్లు” మళ్ళీ స్టార్ట్ చేయనుండగా ఈ చిత్రం తర్వాత “ఓజి” సినిమా మొదలు కానుంది. మరి ఉప ముఖ్యమంత్రి హోదాలో మాత్రం ఫ్యాన్స్ కి సినిమాలని మించిన కిక్ ని తాను అందిస్తున్నాడు అని ఇపుడు తన అభిమానులు ఎగ్జైట్ అవుతున్నారు.
శంకర్ సెన్సేషనల్ హిట్ చిత్రం “ఒకే ఒక్కడు” లో అర్జున్ ఏ రీతిలో అయితే సీజింగ్ లు సస్పెన్సన్ లు లెటర్స్ రాయిస్తాడో దీనిని రియల్ లైఫ్ లో పవన్ చూపిస్తున్నాడు అంటూ పవన్ ఫ్యాన్స్ సోషల్ మీడియాలో మాట్లాడుతుంటున్నారు. దీనితో ఇపుడు పలు వీడియోలు గట్రా సోషల్ మీడియాలో వైరల్ అవుతున్నాయి. ఇంకొందరు అయితే మన సూపర్ స్టార్ మహేష్ బాబు “భరత్ అనే నేను” ఎడిట్స్ కూడా చేస్తూ పవన్ “ఓజి” కి మించిన కిక్ అందిస్తున్నాడు అంటూ ఆ వైబ్స్ ని ఎంజాయ్ చేస్తున్నారు.
