పవర్ స్టార్ పవన్ కళ్యాణ్ మళ్ళీ చాలా కాలం తర్వాత షూటింగ్ లో పాల్గొంటున్న సంగతి తెలిసిందే. ఏపీలో జరిగిన ఎన్నికలకి ముందే కొన్ని నెలలు పవన్ షూటింగ్స్ అన్నీ ఆపేయగా మళ్ళీ చాలా నెలల తర్వాత ఈ సెప్టెంబర్ నుంచి తాను షూటింగ్ లో పాల్గొన్నారు. ప్రస్తుతం రెండు సినిమాలు ఓజి (OG), హరిహర వీరమల్లు (Harihara Veeramallu) షూటింగ్స్ ని తాను లైన్ లో పెట్టుకోగా అల్రెడీటీ వీరమల్లు షూటింగ్ లో తాను పాల్గొనడం కూడా జరుగుతుంది. అయితే ఈ సినిమాకి సంబంధించే క్రేజీ టాక్ ఇప్పుడు వినిపిస్తుంది.
ఈ పీరియాడిక్ యాక్షన్ డ్రామాలో పవన్ సాలిడ్ యాక్షన్ తో పాటుగా పాట కూడా పాడబోతునట్టుగా ఇప్పుడు తెలుస్తుంది. సినిమాలో ఒక ఇంట్రెస్టింగ్ సందర్భంలో అయితే పవన్ చేత పాట పాడించడానికి స్కోప్ ఉందట. దీనితో ఆ సాంగ్ ని ఇపుడు కీరవాణి పవన్ తోనే పాడించాలని డిసైడ్ అయినట్టుగా తెలుస్తుంది. దీనితో మళ్ళీ చాలా కాలం తర్వాత పవన్ నోట మరో పాట రాబోతుంది అని చెప్పాలి. ఇక ఈ చిత్రాన్ని జ్యోతి కృష్ణ దర్శకత్వం వహిస్తుండగా ఏ ఎం రత్నం భారీ బడ్జెట్ తో నిర్మాణం వహిస్తున్నారు.
