లెజెండరీ నటుడు స్వర్గీయ అక్కినేని నాగేశ్వర రావు శత జయంతిని పురస్కరించుకుని ANR శతజయంతి ఉత్సవాలు నిర్వహించేందుకు ఆయన కుటుంబ సభ్యులు నిర్ణయించారు. ఈమేరకు నేడు వారందరూ ఒకే వేదికపై కనిపించారు.
హైదరాబాద్‌లో జరిగిన ఈ వేడుకలో ఏఎన్నార్‌ను గౌరవిస్తూ ఓ స్టాంప్‌ను రిలీజ్ చేశారు. అంతేగాక, ఈ వేడుకలో అక్కినేని నాగార్జున ఏఎన్నార్ నేషనల్ అవార్డుపై ఆసక్తికర ప్రకటన చేశాడు. 2024కి గాను ఏఎన్నార్ నేషనల్ అవార్డుని మెగాస్టార్ చిరంజీవికి అందజేయనున్నట్లు ఆయన తెలిపాడు.
ఇక ఈ వేడుకలో అక్కినేని కుటుంబ సభ్యులు మొత్తం పాల్గొన్నారు. వారితో పాటు నటి సావిత్రి కూతురు విజయ చాముండేశ్వరి కూడా ఈ వేడుకకు హాజరయ్యారు.