యంగ్ బ్యూటీ శ్రీలీల ప్రస్తుతం టాలీవుడ్‌లో వరుస సినిమాలతో బిజీగా మారింది. దాదాపు అందరు హీరోలతో ఈ బ్యూటీ సినిమాలు చేసేందుకు సిద్ధమయ్యింది. ఇప్పటికే మహేష్ బాబు లాంటి స్టార్ హీరోతో కూడా నటించిన ఈ బ్యూటీ ఇప్పుడు మరో స్టార్ హీరో అల్లు అర్జున్‌తో కలిసి డ్యాన్స్ స్టెప్పులు వేస్తోంది.
ఐకాన్ స్టార్ అల్లు అర్జున్ నటించిన లేటెస్ట్ మూవీ ‘పుష్ప-2’ డిసెంబర్ 5న గ్రాండ్ రిలీజ్‌కు రెడీ అయ్యింది. ఈ సినిమాను దర్శకుడు సుకుమార్ డైరెక్ట్ చేస్తున్నాడు. అయితే, ఈ సినిమాలో ‘కిస్సిక్’ అనే స్పెషల్ ఐటెం సాంగ్‌లో శ్రీలీల బన్నీతో కిలిసి అదిరిపోయే డ్యాన్స్ స్టెప్పులు వేసింది. ఈ పాటను రీసెంట్‌గా రిలీజ్ చేయగా, దీనికి ట్రెమెండస్ రెస్పాన్స్ దక్కింది. ఇప్పుడు తన ‘కిస్సిక్’ సాంగ్‌లోని హూక్ స్టెప్‌ని నందమూరి బాలకృష్ణతో వేయించింది ఈ బ్యూటీ.
బాలకృష్ణ హోస్ట్ చేస్తున్న ‘అన్‌స్టాపబుల్ విత్ ఎన్‌బికె’ టాక్ షోలో శ్రీలీల గెస్టుగా వచ్చింది. ఈ క్రమంలో ఆమె తన ‘కిస్సిక్’ స్టెప్‌ను బాలయ్యతో పాటు చేయడం ప్రేక్షకులను ఆకట్టుకుంది. దీనికి సంబంధించిన ఫోటో సోషల్ మీడియాలో వైరల్ అవుతోంది.
