ప్రస్తుతం మ్యాన్ ఆఫ్ మాసెస్ ఎన్టీఆర్ హీరోగా జాన్వీ కపూర్ హీరోయిన్ గా నటించిన భారీ పాన్ ఇండియా చిత్రం “దేవర” రిలీజ్ కి దగ్గరలో ఉన్న సంగతి అందరికీ తెలిసిందే. మరి ఈ సినిమాని పూర్తి చేసిన తారక్ ఇప్పుడు చిన్న గ్యాప్ లో ఉన్నాడు. అయితే ఈ గ్యాప్ లో తన మాతృమూర్తి షాలిని నందమూరితో కలిసి విలువైన సమయాన్ని తాను స్పెండ్ చేస్తున్నాడు.
అలా నిన్న ఒక బ్యూటిఫుల్ పోస్ట్ ని కూడా షేర్ చేసుకున్నాడు. తన తల్లి ఎప్పుడు నుంచో కోరుకుంటున్న తన స్వస్థలం కర్ణాటకలోని కుందపురాకి తీసుకెళ్లడం అక్కడ మూకాంబిక అమ్మవారి గుడిని సందర్శించిన విజువల్స్ వైరల్ గా మారాయి. అయితే వీరితో పాటుగా కన్నడ హీరో దర్శకుడు రిషబ్ శెట్టి కూడా కనిపించడం అమ్మవారి పూజలో వీరు అంతా కలిసి పాల్గొన్న విజువల్స్ వైరల్ గా మారాయి. దీనితో ఈ పిక్స్ స్పెషల్ గా మారగా అభిమానులు వీటిని చూసి ఆనందం వ్యక్తం చేస్తున్నారు.
