టాలీవుడ్ యంగ్ బ్యూటీ శ్రీలీల ప్రస్తుతం టాక్ ఆఫ్ ది ఇండస్ట్రీగా మారింది. ఆమె చేస్తున్న సినిమాలు బాక్సాఫీస్ దగ్గర సెన్సేషన్ క్రియేట్ చేయడం తో శ్రీలీల క్రేజ్ అమాంతం పెరిగిపోయింది. ఇక రీసెంట్‌గా ‘పుష్ప 2’ మూవీలో ‘కిస్సిక్’ అంటూ మెరిసిన శ్రీలీల ఇప్పుడు టాక్ ఆఫ్ ది నేషన్‌గా మారింది. ఈ పాటలో అమ్మడి అందంతో పాటు ఆమె చేసిన డ్యాన్స్‌కు అభిమానులు ఫిదా అవుతున్నారు.
అయితే, ఇటీవల శ్రీలీల త్వరలోనే బాలీవుడ్‌లో ఎంట్రీ ఇవ్వనుంది అనే టాక్ బాగా వైరల్ అయ్యింది. అయితే, తాజాగా ఈ టాక్‌ను కన్ఫర్మ్ చేస్తూ శ్రీలీల ముంబైలో దర్శనమిచ్చింది. ప్రముఖ నిర్మాన సంస్థ మాడాక్ ఫిలింస్ ఆఫీస్‌లో బాలీవుడ్ నటుడు సైఫ్ అలీ ఖాన్ కుమారుడు ఇబ్రహీం అలీ ఖాన్‌తో శ్రీలీల కనిపించింది. మాడాక్ ఆఫీసుకి వెళ్లి రావడంతో వీరిద్దరి కాంబినేషన్‌లో త్వరలోనే ఓ సినిమా రావడం ఖాయమని బిటౌన్ మీడియా చెబుతోంది.
మరి ఈ ఇద్దరి కాంబినేషన్‌లో మాడాక్ ఫిలింస్ బ్యానర్ నుంచి రాబోతున్న సినిమా ఏమై ఉంటుందా అనేది ఆసక్తికరంగా మారింది. దీంతో శ్రీలీల అభిమానులు ఆమె బాలీవుడ్ ఎంట్రీ కోసం ఆసక్తిగా చూస్తున్నారు.
