విక్రమ్, ఐశ్వర్య రాయ్, త్రిష, శోభిత ధూళిపాళ్ల, కార్తీ, జయం రవి, ప్రకాష్ రాజ్ తదితరులు ముఖ్య పాత్రలు పోషించిన తాజా భారీ పాన్ ఇండియన్ మూవీ పొన్నియన్ సెల్వన్ 2. ఇటీవల ఆడియన్స్ ముందుకి వచ్చిన ఈ మూవీ బాక్సాఫీస్ వద్ద మంచి విజయం సొంతం చేసుకుంది. దిగ్గజ దర్శకుడు మణిరత్నం తెరకెక్కించిన పొన్నియన్ సెల్వన్ 2 భారీ హిస్టారికల్ యాక్షన్ మూవీగా తెరకెక్కి అన్ని వర్గాల ఆడియన్స్ మెప్పు సొంతం చేసుకుంది.
ఏ ఆర్ రెహమాన్ సంగీతం అందించిన ఈ మూవీని మద్రాస్ టాకీస్, లైకా ప్రొడక్షన్స్ సంస్థలు అత్యంత భారీ స్థాయిలో నిర్మించాయి. అయితే మ్యాటర్ ఏమిటంటే, ఈ మూవీ అటు థియేటర్స్ తో పాటు ఓటిటి ఆడియన్స్ ని సైతం అలరించగా త్వరలో బుల్లితెర ఆడియన్స్ ముందుకి వచ్చేందుకు సిద్దమయింది. కాగా ఈ మూవీని సెప్టెంబర్ 3న సాయంత్రం 6 గం. లకు జెమినీ టివిలో ప్రసారం చేయనున్నారు. మరి బుల్లితెర ఆడియన్స్ ని ఈ మూవీ ఎంతమేరకు ఆకట్టుకుంటుందో చూడాలి.