అందాల భామ పూజా హెగ్డే ప్రస్తుతం చాలా సెలెక్టివ్‌గా సినిమాలు చేస్తోంది. తెలుగులో అడపదడపా సినిమాలు చేస్తున్నా, తమిళ్‌లో మాత్రం పలు క్రేజీ ప్రాజెక్టులను క్యూలో పెట్టింది. ఇప్పటికే స్టార్ హీరో సూర్య నటిస్తున్న ‘రెట్రో’ మూవీలో హీరోయిన్‌గా చేస్తున్న పూజా, తమిళ స్టార్ హీరో విజయ్ ‘జన నాయగన్’ మూవీలోనూ నటిస్తోంది.
ఈ రెండు చిత్రాలతో పాటు రాఘవ లారెన్స్ హార్రర్ సిరీస్ మూవీ ‘కాంచన 4’లోనూ పూజా హెగ్డే నటిస్తుంది. అయితే, ఇప్పుడు ఈ సినిమాలో పూజా పాత్రకు సంబంధించి ఓ ఇంట్రెస్టింగ్ వార్త కోలీవుడ్ వర్గాల్లో చక్కర్లు కొడుతోంది. ఈ సినిమాలో పూజా హెగ్డే ఓ ఛాలెంజింగ్ పాత్రలో నటిస్తున్నట్లు వార్తలు వినిపిస్తున్నాయి.
‘కాంచన 4’ మూవీలో పూజా హెగ్డే ఓ మూగ మరియు చెవిటి అమ్మాయి పాత్రలో కనిపిస్తుందని.. ఈ సినిమాలో ఆమె నటనకు ప్రేక్షకుల నుంచే కాకుండా విమర్శకుల నుంచి కూడా ప్రశంసలు రావడం ఖాయమని చిత్ర వర్గాలు చెబుతున్నాయి. ఇలాంటి ఛాలెంజింగ్ పాత్రలో పూజా నటిస్తుండటంతో ఈ సినిమాలో ఆమె పాత్రపై అప్పుడే మంచి బజ్ క్రియేట్ అయ్యింది. మరి నిజంగానే పూజా ఈ సినిమాలో ఇలాంటి పాత్రలో నటిస్తుందా అనేది వేచి చూడాలి.
