రెబల్ స్టార్ ప్రభాస్ వరుస భారీ చిత్రాలు చేస్తూ బిజీగా ఉన్నాడు. ఈ ఏడాది కల్కి2898 ఏడి చిత్రంతో బ్లాక్ బస్టర్ హిట్ సాధించాడు. తదుపరి ది రాజా సాబ్ చిత్రంలో కనిపించనున్నాడు. ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి. ఈ రాఖీ పండుగను హీరో ప్రభాస్ సెలబ్రేట్ చేసుకున్నాడు.
తన సోదరి సాయి ప్రసీద ఉప్పలపాటి తో రాఖి కట్టించుకున్నాడు ప్రభాస్. అందుకు సంబంధించిన ఫోటో ఒకటి సోషల్ మీడియాలో వైరల్ గా మారుతోంది. ఈ ఫోటోను ప్రభాస్ అభిమానులు లైక్స్ చేస్తూ, కామెంట్స్ చేస్తూ, షేర్ చేస్తున్నారు. వన్ అండ్ ఓన్లీ పాన్ ఇండియా స్టార్ హీరో ప్రభాస్ అంటూ ఫ్యాన్స్ కామెంట్స్ పెడుతున్నారు. ప్రభాస్ ది రాజా సాబ్ తో పాటుగా, ఫౌజి, కల్కి2, సలార్ 2, స్పిరిట్ వంటి భారీ చిత్రాలు చేస్తున్నాడు. ఈ చిత్రాలు బాక్సాఫీస్ వద్ద భారీ ఓపెనింగ్స్ ను రాబట్టే అవకాశాలు ఉన్నాయి.