రెబల్ స్టార్ ప్రభాస్ (Prabhas) ప్రధాన పాత్రలో, టాలెంటెడ్ డైరెక్టర్ నాగ్ అశ్విన్ దర్శకత్వంలో తెరకెక్కిన సైన్స్ ఫిక్షన్ మైథాలజీ మూవీ కల్కి (Kalki 2898AD). జూన్ 27, 2024 న వరల్డ్ వైడ్ గా థియేటర్లలో రిలీజ్ కాబోతున్న ఈ పాన్ వరల్డ్ మూవీ పై అందరిలో ఆసక్తి నెలకొంది. ఈ చిత్రం నుండి రిలీజైన ప్రచార చిత్రాలకి సాలిడ్ రెస్పాన్స్ వచ్చింది. దీపికా పదుకునే, దిశా పటాని హీరోయిన్స్ గా నటిస్తుండగా, యూనివర్సల్ స్టార్ హీరో కమల్ హాసన్, బాలీవుడ్ మెగాస్టార్ అమితాబ్ బచ్చన్ లు కీలక పాత్రల్లో కనిపించనున్నారు.
ఈ చిత్రం రిలీజ్ ట్రైలర్ ను మేకర్స్ నేడు సాయంత్రం 6:00 గంటలకి రిలీజ్ చేయనున్నట్లు ప్రకటించారు. ఆ తరువాత 8:00 గంటలకు రిలీజ్ చేయనున్నట్లు మరో ప్రకటన చేయడం జరిగింది. 8:00 గంటలకి కి కూడా ఫైనల్ వార్ పేరిట ట్రైలర్ రాకపోవడంతో ప్రభాస్ ఫ్యాన్స్ ఫ్రస్ట్రేషన్ లో ఉన్నారు. రిలీజ్ ట్రైలర్ కోసం ఆడియెన్స్ ఎంతగానో ఎదురు చూస్తున్నారు. రాజేంద్ర ప్రసాద్, బ్రహ్మానందం, పశుపతి తదితరులు నటించిన ఈ చిత్రానికి సంతోష్ నారాయణన్ సంగీతం అందించారు. వైజయంతి మూవీస్ బ్యానర్ పై భారీ బడ్జెట్ తో నిర్మించిన ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.