పాన్ ఇండియా స్టార్ హీరో ప్రభాస్ మరో క్రేజీ ప్రాజెక్ట్ ను ప్రకటించాడు. దర్శకుడు హను రాఘవపూడి తో సినిమాను కన్ఫర్మ్ చేసి, ఫ్యాన్స్ ను సంతోష పరిచాడు. వార్ నేపథ్యంలో తెరకెక్కబోయే ఈ చిత్రం పై అందరిలో ఆసక్తి నెలకొంది. అందుకు కారణం దర్శకుడు హను రాఘవపూడి అని చెప్పాలి. సీతారామం చిత్రంతో ప్రేక్షకులని తన కథ, కథనంతో ఆకట్టుకున్నాడు. ఈ దర్శకుడు ప్రభాస్ చేస్తున్న చిత్రం కావడంతో ఇండస్ట్రీ అంతా సినిమా పై ఫోకస్ చేస్తోంది.
ఈ దర్శకుడు లోకేషన్స్ వేటలో ఉన్నట్లు తెలుస్తోంది. సినిమాటోగ్రాఫర్ సుదీప్ ఛటర్జీ అదే విషయాన్ని సోషల్ మీడియాలో వెల్లడించారు. దర్శకుడు హను రాఘవపూడి తో లోకేషన్స్ రెక్కీ లో ఉన్నట్లు తెలిపాడు. హను రాఘవపూడి ఫోటోను ఒకటి షేర్ చేశాడు. ఇది వైరల్ గా మారుతోంది. ఈ చిత్రంలో సోషల్ మీడియా క్రేజీ బ్యూటీ ఇమాన్వీ హీరోయిన్ గా ఎంపిక అయ్యింది. ఈ చిత్రానికి సంబంధించిన మరిన్ని వివరాలు త్వరలో వెల్లడి కానున్నాయి.
