బ‌జ్.. ఆ డైరెక్ట‌ర్ కోసం ‘ఫౌజీ’గా మార‌నున్న ప్ర‌భాస్..?

పాన్ ఇండియా స్టార్ ప్ర‌భాస్ ప్రస్తుతం ”క‌ల్కి 2898 AD” స‌క్సెస్ ను ఎంజాయ్ చేస్తున్నాడు. ఈ సినిమాను ద‌ర్శ‌కుడు నాగ్ అశ్విన్ తెర‌కెక్కించిన తీరుకు ప్రేక్ష‌కులు ఫిదా అయ్యారు. ఇక ఈ సినిమాలోని గ్రాండ్ విజువ‌ల్స్ ఆడియెన్స్ ను థ్రిల్ చేశాయి. ఈ సినిమా బాక్సాఫీస్ వ‌ద్ద ఏకంగా వెయ్యి కోట్ల వ‌సూళ్లు రాబ‌ట్టిన‌ట్లుగా మేక‌ర్స్ వెల్ల‌డించారు.

ఇక ఈ సినిమా త‌రువాత ప్ర‌భాస్ ద‌ర్శ‌కుడు మారుతి డైరెక్ష‌న్ లో ”ది రాజాసాబ్” అనే సినిమాలో న‌టిస్తున్నాడు. ఇది కాకుండా సందీప్ రెడ్డి వంగ డైరెక్ష‌న్ లో ”స్పిరిట్” అనే సినిమాను కూడా స్టార్ట్ చేయ‌నున్నాడు. ఇక ఈ సినిమాలతో పాటు ద‌ర్శ‌కుడు హ‌ను రాఘ‌వ‌పూడితో కూడా ప్ర‌భాస్ ఓ సినిమా చేయనున్న‌ట్లు వార్త‌లు వ‌స్తున్నాయి. అయితే, ఈ ఇద్ద‌రి కాంబినేష‌న్ లో రాబోయే సినిమాకు సంబంధించి తాజాగా ఓ ఇంట్రెస్టింగ్ వార్త సినీ స‌ర్కిల్స్ లో చక్క‌ర్లు కొడుతోంది.

హ‌ను రాఘ‌వపూడి ద‌ర్శ‌కత్వంలో తెర‌కెక్క‌బోతున్న సినిమాకు ”ఫౌజీ” అనే టైటిల్ ను ఫిక్స్ చేశార‌ట మేక‌ర్స్. ఫౌజీ అంటే సైనికుడు అని అర్థం. వార్ బ్యాక్ డ్రాప్ లో తెర‌కెక్క‌నున్న ఓ రొమాంటిక్ డ్రామాగా ఈ సినిమాను తీర్చిదిద్ద‌నున్నారు. ఈ చిత్ర షూటింగ్ ను అతి త్వ‌ర‌లో ప్రారంభించేందుకు చిత్ర యూనిట్ రెడీ అవుతున్నట్లు తెలుస్తోంది. మ‌రి ఈ సినిమాకు నిజంగానే ఫౌజీ అనే టైటిల్ ను ఫిక్స్ చేస్తారా అనేది వేచి చూడాలి.