రెబల్ స్టార్ ప్రభాస్ ప్రధాన పాత్రలో, డైరెక్టర్ నాగ్ అశ్విన్ దర్శకత్వంలో తెరకెక్కిన మైథాలజీ సైన్స్ ఫిక్షన్ మూవీ కల్కి2898AD. ఈ చిత్రం నిన్న వరల్డ్ వైడ్ గా థియేటర్ల లో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంటుంది. బాక్సాఫీస్ వద్ద తొలిరోజు 191.5 కోట్ల రూపాయలకి పైగా వసూళ్లు రాబట్టి, సెన్సేషన్ క్రియేట్ చేయడం జరిగింది. ప్రభాస్ ఇప్పటి వరకూ 100 కోట్ల రూపాయలకి పైగా డే 1 వసూళ్లు 5 సార్లు రాబట్టిన ఒకే ఒక్క హీరో. ఇది సెన్సేషన్ రికార్డు అని చెప్పాలి.
ప్రభాస్ హిందీ బాక్సాఫీస్ వద్ద కూడా సెన్సేషన్ రికార్డు ఒకటి క్రియేట్ చేయడం జరిగింది. నాలుగోసారి 20 కోట్ల రూపాయలకు పైగా నెట్ వసూళ్లు రాబట్టిన హీరో ప్రభాస్. కల్కి చిత్రం హిందీ బాక్సాఫీస్ వద్ద 22.50 కోట్ల రూపాయల వసూళ్లను రాబట్టడం జరిగింది. కల్కి చిత్రం లాంగ్ రన్ లో భారీ వసూళ్లను రాబట్టడం ఖాయం. ఈ చిత్రం లో దీపికా పదుకునే, దిశా పటాని, కమల్ హాసన్, అమితాబ్ బచ్చన్, బ్రహ్మానందం, రాజేంద్ర ప్రసాద్, శోభన, మాళవిక నాయర్, విజయ్ దేవరకొండ, దుల్కర్ సల్మాన్ తదితరులు కీలక పాత్రల్లో నటించారు. ఈ చిత్రంతో ప్రభాస్ మరిన్ని రికార్డులను క్రియేట్ చేస్తాడో చూడాలి.