లేటెస్ట్…ఫ్యాన్స్ కు థాంక్స్ తెలిపిన ప్రభాస్

రెబల్ స్టార్ ప్రభాస్ హీరోగా నటించిన లేటెస్ట్ మైథాలజీ సైన్స్ ఫిక్షన్ మూవీ కల్కి 2898ఎడి బాక్సాఫీస్ వద్ద సెన్సేషన్ రెస్పాన్స్ ను సొంతం చేసుకుంది. వెయ్యి కోట్ల క్లబ్ లో చేరి సెన్సేషన్ క్రియేట్ చేయడం జరిగింది. ఒక్క ప్రభాస్ మాత్రమే బాక్సాఫీస్ వద్ద వెయ్యి కోట్లు 2 సార్లు కలెక్ట్ చేసిన హీరోగా ఇండియాలో నిలిచాడు. ఈ చిత్రం సాధించిన ఘన విజయం పట్ల ప్రభాస్ సంతోషం వ్యక్తం చేస్తూ, ఒక స్వీట్ నోట్ ను సోషల్ మీడియా ద్వారా రిలీజ్ చేశారు.

కల్కి చిత్రం సాధించిన విజయం పట్ల అభిమానులకి థాంక్స్ తెలిపారు. ఐదేళ్లు సినిమా కోసం ఎంతో శ్రమించిన దర్శకుడు నాగ్ అశ్విన్, సినిమాను ఎంతో గ్రాండ్ గా నిర్మించిన గట్సీ ప్రొడ్యూసర్ అశ్వనీ దత్ లకు థాంక్స్ తెలిపారు. కమల్ హాసన్ సర్, అమితాబ్ బచ్చన్ సర్ ల చిత్రాలు చూస్తూ పెరిగిన వాడిని అని, వాళ్ళతో నటించడం పట్ల సంతోషం వ్యక్తం చేశారు. అంతేకాక మోస్ట్ గార్జియస్ లేడీ అయిన దీపికా పదుకునే సినిమాలో నటించడం పట్ల థాంక్స్ తెలిపారు. అంతేకాక కల్కి 2 చిత్రం మరింత గ్రాండ్ గా ఉండబోతుంది అంటూ ప్రభాస్ చెప్పుకొచ్చారు. ఈ వీడియో ఇప్పుడూ వైరల్ అవుతోంది.

సంతోష్ నారాయణన్ సంగీతం అందించిన ఈ చిత్రంలో బ్రహ్మానందం, రాజేంద్ర ప్రసాద్, శోభన, మాళవిక నాయర్, విజయ్ దేవరకొండ, దుల్కర్ సల్మాన్ తదితరులు కీలక పాత్రల్లో నటించారు.