ప్రభాస్ తన కెరీర్లో ఒకే దర్శకుడితో రెండు మూడుసార్లు పనిచేసిన సందర్భాలు చాలా తక్కువ. పూరి జగన్నాథ్, రాజమౌళితో మాత్రమే రెండవసారి పనిచేశారు ఆయన. మళ్ళీ ఆ అవకాశం మరొక తెలుగు దర్శకుడికి ఇవ్వలేదు. అలాంటిది కన్నడ దర్శకుడు ప్రశాంత్ నీల్ తో రెండోసారి పనిచేయడానికి ప్రభాస్ సుముఖంగా ఉన్నారట. వీరిద్దరి కాంబినేషన్లో ‘సలార్’ చిత్రం ఇటీవలే మొదలైంది. ఇంకా 20 శాతం కూడ కంప్లీట్ కాలేదు. ఈలోపే ప్రశాంత్ నీల్ తన పనితనంతో ప్రభాస్ మనసు దోచుకున్నట్టు అనిపిస్తోంది.
అందుకే ఆయనతో రెండవ సినిమా చేసేందుకు గ్రీన్ సిగ్నల్ ఇచ్చారట. ఈ చిత్రాన్ని ప్రముఖ నిర్మాత దిల్ రాజు నిర్మిస్తారని తెలుస్తోంది. ప్రస్తుతం ప్రభాస్ సైన్ చేసిన సినిమాలన్నీ పూర్తయ్యాక ఈ ప్రాజెక్ట్ పట్టాలెక్కుతుందని అంటున్నారు. ఇది కూడ పాన్ ఇండియా సినిమానే. మరోవైపు దిల్ రాజు శంకర్, రామ్ చరణ్ కలయికలో ఒక పాన్ ఇండియా సినిమా చేస్తున్నారు. ప్రభాస్ సినిమా పనులు మొదలయ్యే నాటికి ఈ చిత్రాన్ని ముగిస్తారు ఆయన.
