పాన్ ఇండియా స్టార్ ప్రభాస్ నటిస్తున్న లేటెస్ట్ మూవీ ‘ది రాజా సాబ్’ ఇప్పటికే మెజారిటీ షూటింగ్ పూర్తి చేసుకుంది. ఈ సినిమాను దర్శకుడు మారుతి పూర్తి హారర్ కామెడీ చిత్రంగా తెరకెక్కిస్తుండటంతో ప్రేక్షకులు ఈ సినిమాను ఎప్పుడెప్పుడు చూద్దామా అని ఆసక్తిగా చూస్తున్నారు. అయితే, ఈ సినిమా నుంచి ఇప్పటికే రిలీజ్ అయిన ఫస్ట్ లుక్ పోస్టర్స్ ఆకట్టుకున్నాయి. అయితే, ఈ సినిమాకు సంబంధించి తాజాగా సినీ వర్గాల్లో ఓ ఇంట్రెస్టింగ్ వార్త వినిపిస్తోంది.
‘ది రాజా సాబ్’ చిత్రానికి సంబంధించి మ్యూజిక్ డైరెక్టర్ థమన్ ఓ నాలుగు సాంగ్స్‌ను పూర్తి చేశాడని.. వీటిని అద్భుతమైన థీమ్స్‌తో డిజైన్ చేయబోతున్నారని.. ఇందులో మెలోడీ సాంగ్స్‌తో పాటు ఓ మాస్ నెంబర్ కూడా ఉందని తెలుస్తోంది. ఈ పాటలకు సంబంధించిన షూటింగ్‌ను త్వరలో ప్రారంభించి ఫిబ్రవరి చివరినాటికి పూర్తి చేయాలని ప్రభాస్ భావిస్తున్నాడట.
ప్రస్తుతం ప్రభాస్ వెకేషన్‌లో ఉన్నాడు. ఆయన తిరిగి రాగానే ‘ది రాజా సాబ్’ చిత్ర షూటింగ్‌లో జాయిన్ అవుతాడని.. మార్చి మొదటి వారం నాటికి ఈ సినిమాకు సంబంధించిన అన్ని పనులు ప్రభాస్ పూర్తి చేస్తాడని.. ఆ తర్వాతే తన నెక్స్ట్ మూవీ షూటింగ్‌లో జాయిన్ అవుతాడని తెలుస్తోంది. దీంతో ప్రభాస్ ఫ్యాన్స్ ‘ది రాజా సాబ్’ నుంచి మరిన్ని అప్డేట్స్ ఎప్పుడెప్పుడు వస్తాయా అని ఆసక్తిగా చూస్తున్నారు. ఇక ఈ సినిమాలో మాళవిక మోహనన్, నిధి అగర్వాల్, రిద్ధి కుమార్, బాబీ డియోల్ తదితరులు ఇతర ముఖ్య పాత్రల్లో నటిస్తున్నారు. పీపుల్ మీడియా ఫ్యాక్టరీపై టి.జి.విశ్వప్రసాద్ భారీ బడ్జెట్‌తో ఈ సినిమాను ప్రొడ్యూస్ చేస్తున్నారు.
