పాన్ ఇండియా స్టార్ హీరో ప్రభాస్ వరుస భారీ చిత్రాలతో దూసుకు పోతున్నారు. ఏ హీరోకి సాధ్యం కాని రీతిలో బాక్సాఫీస్ వద్ద తన దండయాత్ర కొనసాగిస్తున్నారు. ఇప్పటికే కల్కి2898ఎడి చిత్రంతో ప్రేక్షకులను, అభిమానులని విశేషంగా ఆకట్టుకున్నారు. ఈ చిత్రం 1100 కోట్ల రూపాయల వసూళ్లను రాబట్టింది. తాజాగా ది రాజా సాబ్ ను వచ్చే ఏడాది ఏప్రిల్ 10 న రిలీజ్ చేస్తున్నట్లు ప్రకటించారు మేకర్స్.
ది రాజా సాబ్ తో పాటుగా ప్రభాస్ నటిస్తున్న కల్కి2 మరియు స్పిరిట్ చిత్రాలు పక్కగా వచ్చే ఏడాది రిలీజ్ కానున్నాయి. స్పిరిట్ చిత్రం ఈ ఏడాది లోనే సెట్స్ మీదకి వెళ్లనుంది. ఇక మిగతా చిత్రాలైన సలార్ 2 మరియు ఫౌజి చిత్రాలు 2026 లో రిలీజ్ అయ్యే అవకాశాలు కనిపిస్తున్నాయి. దీనిపై మరింత క్లారిటీ రావాల్సి ఉంది. ఏదేమైనా ప్రభాస్ వరుస సినిమాలతో ఫ్యాన్స్ మాత్రం ఫుల్ ఖుషీ లో ఉన్నారు.