ఈతరం సినీ దిగ్గజాలలో బహుముఖ ప్రజ్ఞాశాలి ప్రకాష్ రాజ్ ఒకరు. ఏ పాత్రలోనైనా ఇమిడిపోయి నటించగల సామర్థం ఆయన సొంతం. ఇదే ‘సోలో’ చిత్రానికి ఒక అదనపు భలాన్ని చేకూర్చనుంది. ‘ఎ సాలిడ్ లవ్ స్టొరీ’ క్యాప్షన్ తో నారా రోహిత్ హీరోగా నటిస్తోన్న రొమాంటిక్ యాక్షన్ ఎంటర్ టైనర్ ‘సోలో’. ఈ సినిమాలో ప్రకాష్ రాజ్ ఓ కీలకమైన, అబ్బురపరిచే పాత్రను పోషించబోతున్నారు.
చిత్ర వర్గాల సమాచారం ప్రకారం ‘సోలో’ సినిమాలో కుటుంభ పెద్ద గా ప్రకాష్ రాజ్ నటన అద్భుతంగా ఉండబోతుంది. ప్రేమ ప్రధాన ఇతివృత్తంగా సాగే ఈ సినిమాలో ప్రకాష్ రాజ్ ఒక ముఖ్యమైన పాత్రను పోషిస్తున్నారు. ఈ సినిమాలో నారా రోహిత్ – నిషా అగర్వాల్ తో జోడీ కడుతున్నారు.
మణిశర్మ సంగీతం అందిస్తోన్నఈ చిత్ర ఆడియో ఇప్పటికే విజయం సాధించింది. ఈ సినిమాకు పరశురాం డైరెక్టర్ గా వ్యవహరిస్తున్నారు. ఎస్వికె బ్యానర్ పై నిర్మితమౌతోన్న ఈ సినిమా నవంబర్ 25 న ప్రేక్షకుల ముందుకు రానుంది.
