ప్రస్తుతం మన టాలీవుడ్ సినిమా దగ్గర ఉన్నటువంటి యంగ్ అండ్ టాలెంటెడ్ దర్శకుల్లో తెలుగు సినిమాకి మొదటి సూపర్ హీరో సినిమా ఇచ్చి బిగ్గెస్ట్ బ్లాక్ బస్టర్ కొట్టిన దర్శకుడు ప్రశాంత్ వర్మ కూడా ఒకరు. మరి ప్రశాంత్ వర్మ నుంచి సెన్సేషనల్ లైనప్ కూడా సిద్ధంగా ఉండగా ఈ లైనప్ లో పాన్ ఇండియా బిగ్గెస్ట్ స్టార్ ప్రభాస్ తో కూడా భారీ ప్రాజెక్ట్ ఉన్నట్టుగా పలు రూమర్స్ ఆల్రెడీ ఉన్నాయి.
అయితే ప్రశాంత్ వర్మ రీసెంట్ స్టేట్మెంట్ ఒకటి ఇపుడు ఊపందుకుంది. తాను ఒక బిగ్గెస్ట్ స్టార్ తో వర్క్ చేస్తున్నాను అని ఆల్రెడీ అతడితో ఓ పోస్టర్ వర్క్ ని కూడా పూర్తి చేసానని తాను తెలిపాడు. దీనితో ఆ బిగ్ స్టార్ ప్రభాస్ నే కావచ్చని ఇపుడు వినిపిస్తుంది. ఈ క్రేజీ కలయిక కోసం చాలా మంది ఆసక్తిగా ఎదురు చూస్తున్నారు. మరి ప్రశాంత్ వర్మ చెప్పిన ఆ బిగ్ స్టార్ ప్రభాసేనా కాదా అనేది వేచి చూడాలి. ఇక ప్రస్తుతం తాను కన్నడ స్టార్ హీరో రిషబ్ శెట్టితో “జై హనుమాన్” అనే సాలిడ్ ప్రాజెక్ట్ చేస్తున్న సంగతి తెలిసిందే.
