చిన్న మూవీ గా రిలీజై, మలయాళం లో సెన్సేషన్ క్రియేట్ చేసిన మూవీ ప్రేమలు. వరల్డ్ వైడ్ గా ఈ చిత్రం 135 కోట్ల రూపాయలకి పైగా వసూళ్లు రాబట్టింది. నస్లెన్ కె గఫూర్ మరియు మమితా బైజు ప్రధాన పాత్రల్లో, గిరీష్ ఎడి దర్శకత్వం లో తెరకెక్కిన ఈ రొమాంటిక్ కామెడీ ఎంటర్టైనర్ తెలుగులో విడుదలై, ఆడియెన్స్ ను విశేషం గా ఆకట్టుకుంది. ఈ చిత్రం డిజిటల్ ప్రీమియర్ కి రెడీ అయినట్లు తెలుస్తోంది. ఏప్రిల్ 12, 2024న డిస్నీ ప్లస్ హాట్‌స్టార్‌లో మలయాళం, తెలుగు మరియు తమిళ భాషల్లో అందుబాటులోకి రానున్నట్లు సమాచారం.
అయితే, ఒక ఆసక్తికరమైన ట్విస్ట్ ఏంటంటే, తెలుగు వెర్షన్ మరొక ప్లాట్ ఫారం ఆహా వీడియో లో కూడా అందుబాటులో ఉండనుంది. ఈ విషయం పై అధికారిక ప్రకటన కోసం ఆడియెన్స్ ఎంతో ఆసక్తిగా ఎదురుచూస్తున్నారు. తెలుగు వెర్షన్ ఎస్ఎస్ రాజమౌళి తనయుడు ఎస్ఎస్ కార్తికేయ డిస్ట్రిబ్యూట్ చేయడం జరిగింది. ఈ చిత్రంలో శ్యామ్ మోహన్ ఎమ్, మీనాక్షి రవీంద్రన్, అఖిలా భార్గవన్, అల్తాఫ్ సలీం, మాథ్యూ థామస్, సంగీత్ ప్రతాప్ లు కీలక పాత్రల్లో నటించగా, విష్ణు విజయ్ సంగీతం అందించారు.
