నస్లెన్ కే. గఫూర్ మరియు మమితా బైజు ప్రధాన పాత్రల్లో, దర్శకుడు గిరీష్ ఏ. డి దర్శకత్వంలో తెరకెక్కిన రొమాంటిక్ కామెడీ ఎంటర్టైనర్ ప్రేమలు. ఈ చిత్రం మలయాళంలో మాత్రమే కాకుండా, తెలుగులో కూడా బ్లాక్ బస్టర్ మూవీ గా నిలిచింది. బాక్సాఫీస్ వద్ద భారీ వసూళ్లను రాబట్టిన ఈ చిత్రం, ఇటీవల వరల్డ్ టెలివిజన్ ప్రీమియర్ గా ప్రముఖ టీవీ ఛానల్ అయిన జీ తెలుగు లో ప్రసారం అయ్యింది.
ఈ చిత్రానికి సంబంధించిన టీఆర్పీ రేటింగ్ తాజాగా వెలువడింది. ఈ చిత్రం 2.87 టీఆర్పీ రేటింగ్ ను సొంతం చేసుకుంది. థియేటర్లలో మరియు డిజిటల్ గా భారీ సక్సెస్ ను సాధించిన ఈ చిత్రానికి ఇంత తక్కువ టీఆర్పీ రేటింగ్ అంటే షాకింగ్ రెస్పాన్స్ అనే చెప్పాలి. సంగీత్ ప్రతాప్, అఖిలా భార్గవన్ కీలక పాత్రల్లో నటించిన ఈ చిత్రానికి విష్ణు విజయ్ సంగీతాన్ని అందించాడు.
