ప్రయోగాత్మక చిత్రం ది గోట్ లైఫ్‌తో, పృథ్వీరాజ్ సుకుమారన్ మంచి హిట్ సాధించాడు. విమర్శకుల ప్రశంసలు మాత్రమే కాదు, ఈ చిత్రం బాక్సాఫీస్ వద్ద భారీ వసూళ్లను రాబట్టడం జరిగింది. ఈ చిత్రం లాంగ్ రన్ లో 150 కోట్ల రూపాయల కి పైగా గ్రాస్ సంపాదించింది. ఈ బ్లాక్‌బస్టర్ తర్వాత, స్టార్ నటుడు కామెడీ డ్రామా గురువాయూర్ అంబలనాడాయిల్‌తో వచ్చాడు. ఈ చిత్రం మంచి సంచలనాన్ని కలిగి ఉంది కానీ ది గోట్ లైఫ్ చిత్రానికి దగ్గరగా లేదు. గురువాయూర్ అంబలనాడయిల్ దాదాపు 85 కోట్ల గ్రాస్ వసూళ్లను రాబట్టడం జరిగింది.
తాజా అప్డేట్ ఏమిటంటే, ఫ్యామిలీ ఎంటర్టైనర్ డిజిటల్ పార్ట్ నర్ ను ఫిక్స్ చేసుకుంది. డిస్నీ ప్లస్ హాట్‌స్టార్ మంచి ధరకు పోస్ట్ థియేట్రికల్ స్ట్రీమింగ్ హక్కులను పొందింది. స్ట్రీమింగ్ తేదీ ఇంకా వెల్లడి కాలేదు. జయ జయ జయ జయ హే ఫేమ్ విపిన్ దాస్ దర్శకత్వం వహించిన ఈ చిత్రంలో బాసిల్ జోసెఫ్, నిఖిలా విమల్, అనశ్వర రాజన్, సిజు సన్నీ మరియు యోగి బాబు కీలక పాత్రలు పోషిస్తున్నారు. పృథ్వీరాజ్ ప్రొడక్షన్స్ మరియు E4 ఎంటర్టైన్మెంట్ బ్యానర్‌లు నిర్మించగా, అంకిత్ మీనన్ స్వరాలు సమకూర్చారు.