డైరెక్టర్ వివేక్ ఆత్రేయ దర్శకత్వంలో నేచురల్ స్టార్ నాని నటిస్తున్న పాన్ ఇండియన్ చిత్రం సరిపోదా శనివారం. ఈ చిత్ర నిర్మాణం శరవేగంగా జరుగుతోంది, ఇటీవల విడుదలైన మొదటి సింగిల్ గరం గరంకు అద్భుతమైన స్పందన వచ్చింది. నాని సెకండ్ లుక్ పోస్టర్ రివీల్ అయిన తర్వాత, చిత్ర బృందం చిత్ర కథానాయిక ప్రియాంక అరుల్ మోహన్ ఫస్ట్ లుక్ పోస్టర్‌ను విడుదల చేసింది.
ఈ పోస్టర్‌లో, ప్రియాంక చారులత అనే పాత్రలో పోలీసుగా కనిపిస్తుంది. డివివి ఎంటర్టైన్మెంట్ బ్యానర్‌పై డివివి దానయ్య నిర్మిస్తున్న ఈ ప్రతిష్టాత్మక ప్రాజెక్ట్‌లో ఎస్‌జె సూర్య ప్రతినాయకుడి పాత్రను పోషిస్తున్నారు. జేక్స్ బిజోయ్ ఈ చిత్రానికి సంగీతం సమకూరుస్తున్నారు. సరిపోదా శనివారం ఆగస్ట్ 29, 2024న గ్రాండ్ థియేట్రికల్ రిలీజ్ కానుంది. ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.