టాలీవుడ్ ప్రముఖ నటుడు, అక్కినేని నాగ చైతన్య ప్రధాన పాత్రలో, దర్శకుడు చందూ మొండేటి దర్శకత్వంలో తెరకెక్కుతున్న చిత్రం తండేల్. ఈ చిత్రం రిలీజ్ కోసం ప్రేక్షకులు, అభిమానులు ఎంతగానో ఎదురు చూస్తున్నారు. సాయి పల్లవి హీరోయిన్ గా నటిస్తున్న ఈ చిత్రాన్ని గీతా ఆర్ట్స్ బ్యానర్ పై నిర్మిస్తున్నారు. ఈ చిత్రం రిలీజ్ పై తాజాగా ప్రొడ్యూసర్ బన్నీ వాస్ పలు ఆసక్తికర వ్యాఖ్యలు చేశారు.
“తండేల్ రిలీజ్ డేట్ దసరా తర్వాత క్లారిటీ వస్తుంది. ఒక షిప్ కి సంబందించి VFX వర్క్ ఉంది. అది కంప్లీట్ అయ్యాక డిసిషన్ తీసుకుంటాం. అయినా ఒకప్పటిలా నిర్మాత ఒక్కరే రిలీజ్ డేట్ ప్రకటించే పరిస్థితి లేదు. చాలా డిస్కషన్స్ చేయాల్సి ఉంది” అని అన్నారు. ఈ కామెంట్స్ సోషల్ మీడియాలో వైరల్ గా మారాయి. రాక్ స్టార్ దేవి శ్రీ ప్రసాద్ సంగీతం అందిస్తున్న ఈ చిత్రంపై భారీ అంచనాలు నెలకొన్నాయి.
