మళ్ళీ ఎన్టీఆర్ ని అలా చూస్తారు – నాగ వంశీ

అందరూ ఎంతో ఆసక్తిగా ఎదురుచూస్తున్న చిత్రాలలో ఎన్టీఆర్ నటిస్తున్న పాన్ ఇండియా మూవీ దేవర ఒకటి. ఈ చిత్రం సెప్టెంబర్ 27 వ తేదీన వరల్డ్ వైడ్ గా థియేటర్లలోకి రానుంది. బాలీవుడ్ బ్యూటీ జాన్వీ కపూర్ హీరోయిన్ గా నటిస్తున్న ఈ చిత్రానికి కొరటాల శివ దర్శకత్వం వహిస్తున్నారు. అయితే త్రివిక్రమ్ శ్రీనివాస్ దర్శకత్వంలో తెరకెక్కిన అరవింద సమేత వీర రాఘవ చిత్రంలో ఎన్టీఆర్ క్యూట్ లుక్స్ లో కనిపించారు.

దేవర చిత్రంలో ఎన్టీఆర్ మళ్ళీ అదే తరహాలో కనిపించనున్నట్లు ప్రముఖ నిర్మాత నాగ వంశీ వెల్లడించారు. అన్న ఎన్టీఆర్ ను ఇలా క్యూట్ గా చూసి 6 ఏళ్లు అయ్యింది కదా, మళ్ళీ ఆ క్యూట్ స్మైల్ చేస్తూ రొమాన్స్ చేయడం చూస్తారు ఈసారి. మనకి అదే సరిపోతుంది కదా అంటూ చెప్పుకొచ్చారు. అంతేకాక అరవింద సమేత చిత్రంలోని రెండు ఫోటోలను షేర్ చేశారు. సైఫ్ అలీఖాన్ విలన్ పాత్రలో నటిస్తుండగా, రాక్ స్టార్ అనిరుద్ రవి చందర్ ఈ చిత్రానికి సంగీతం అందిస్తున్నారు.