పవర్ స్టార్ పవన్ కళ్యాణ్ హీరోగా యంగ్ అండ్ టాలెంటెడ్ బ్యూటీ ప్రియాంక అరుళ్ మోహన్ హీరోయిన్ గా దర్శకుడు సుజీత్ తెరకెక్కిస్తున్న భారీ యాక్షన్ అండ్ పాన్ ఇండియా చిత్రం “ఓజి” కోసం అందరికీ తెలిసిందే. మరి దాదాపు షూటింగ్ పూర్తి చేసుకున్న ఈ చిత్రం బాలన్స్ ఉన్న షూట్ కి పవన్ డేట్స్ కోసం ఎదురు చూస్తుంది.
అయితే ఈ చిత్రంకి పవన్ అతి త్వరలోనే డేట్స్ ఇచ్చి స్టార్ట్ చేయనున్నారు. మరి ఈ సినిమా రిలీజ్ కోసం ఎపుడు నుంచో అభిమానులు చాలా ఉత్కంఠగా ఎదురు చూస్తున్న సంగతి తెలిసిందే. అయితే దీనిపై లేటెస్ట్ గా నిర్మాత డీవీవీ దానయ్య సాలిడ్ క్లారిటీ ఇచ్చారు. ఈ చిత్రాన్ని వచ్చే ఏడాది మార్చ్ దాటనివ్వకుండా రిలీజ్ చేస్తానని క్రేజీ స్టేట్మెంట్ ఇచ్చేసారు.
దీనితో ఈ భారీ సినిమా వచ్చే ఏడాదిలో ఏప్రిల్ లోపే థియేటర్స్ లోకి వచ్చేస్తుంది అని చెప్పాలి. అయితే మరో అప్డేట్ గా ఈ చిత్రం మార్చ్ 27 డేట్ ని లాక్ చేసుకున్నట్టుగా తెలుస్తుంది. మరి సెప్టెంబర్ 27 డేట్ ని మిస్ చేసుకొని మళ్ళీ 27 కే వస్తుంది అని చెప్పాలి. ఇక దీనిపై అఫీషియల్ క్లారిటీ ఒక్కటి రావడం తరువాయి. ఈ చిత్రానికి థమన్ సంగీతం అందిస్తుండగా అర్జున్ దాస్, శ్రేయ రెడ్డి తదితరులు సినిమాలో ముఖ్య పాత్రల్లో నటిస్తున్నారు.
