పాన్ ఇండియా స్టార్ ప్రభాస్ ప్రస్తుతం వరుసగా సినిమాలను చేస్తూ బిజీగా ఉన్నాడు. ఆయన నటిస్తున్న లేటెస్ట్ మూవీ ‘ది రాజా సాబ్’ వేసవి కానుకగా రిలీజ్‌కు రెడీ అవుతోంది. ఈ సినిమా షూటింగ్ ప్రస్తుతం శరవేగంగా జరుపుకుంటోంది. ఇక ఈ సినిమాలో ప్రభాస్ డార్లింగ్ లుక్స్‌తో ప్రేక్షకులను ఆకట్టుకునేందుకు సిద్ధమవుతున్నాడు. ఈ సినిమాను దర్శకుడు మారుతి హార్రర్ కామెడీ జోనర్‌లో తెరకెక్కిస్తున్నాడు.
అయితే, ఈ సినిమాకు సంబంధించిన పలు ఆసక్తికర విషయాలను చిత్ర నిర్మాత టి.జి.విశ్వప్రసాద్ తాజాగా ఓ ఇంటర్వ్యూలో వెల్లడించారు. ‘ది రాజా సాబ్’ చిత్రాన్ని ఈమధ్య స్టార్ట్ చేయలేదని.. ఈ సినిమాను రెండేళ్ల క్రిందటే ప్రారంభించామని ఆయన తెలిపారు. అంతేగాక, ఈ సినిమాకు చాలా ఎక్కువ బడ్జెట్ కేటాయించామని.. ఇప్పటివరకు ఇండియన్ స్క్రీన్‌పై చూడని హార్రర్ ఎలిమెంట్స్ ‘ది రాజా సాబ్’ మూవీలో ప్రేక్షకులు చూస్తారని ఆయన తెలిపారు.
ఇలా ‘ది రాజా సాబ్’ సినిమాపై నిర్మాత అంచనాలను పెంచేశారు. దీంతో ఈ సినిమాలో ప్రభాస్ ఎలాంటి పర్ఫార్మెన్స్ ఇవ్వనున్నాడా.. ఈ సినిమాతో బాక్సాఫీస్ రికార్డులను ఎలా తిరగరాస్తాడా.. అని అభిమానులు ఆసక్తిగా చూస్తున్నారు.