ఐకాన్ స్టార్ అల్లు అర్జున్ హీరోగా రష్మికా మందన్నా హీరోయిన్ గా దర్శకుడు సుకుమార్ తెరకెక్కించిన అవైటెడ్ పాన్ ఇండియా చిత్రం “పుష్ప 2 ది రూల్” కోసం అందరికీ తెలిసిందే. మరి ఎన్నో అంచనాలు ఏర్పర్చుకున్న ఈ సినిమా కోసం యావత్ భారతదేశం ఎదురు చూస్తుంది. ఇక ఈ బిగ్గెస్ట్ ప్రాజెక్ట్ మరికొన్ని రోజుల్లో థియేటర్స్ లో రాబోతుండగా ఇపుడు ఈ సినిమా రన్ టైం కోసం హాట్ టాపిక్ గా నడుస్తుంది.
అయితే ఈ సినిమాలో ఏకంగా 3 గంటల 20 నిమిషాలు రన్ టైం ఉంటుంది అనే టాక్ రాగ దీనిపై మైత్రి మూవీ ప్రొడ్యూసర్స్ క్లారిటీ ఇచ్చారు. సినిమా రన్ టైం ఎక్కువ అని ఎవరూ చింతించాల్సిన పని అసలు లేదని 3 గంటల 20 నిమిషాలు ఉన్నా కూడా సినిమా కేవలం రెండున్నర గంటలే చూసాం అన్నట్టు ఆడియెన్స్ ఫీల్ అవుతారని చాలా కాన్ఫిడెన్స్ గా చెబుతున్నారు. దీంతో ఈ బిగ్ ప్రాజెక్ట్ రన్ పై ఓ క్లారిటీ వచ్చినట్టే అని చెప్పాలి.