మెగా డాటర్ నిహారిక కొణిదెల సమర్పణలో పింక్ ఎలిఫెంట్ పిక్చర్స్ ఎల్.ఎల్.పి, శ్రీరాధా దామోదర్ స్టూడియోస్ బ్యానర్స్‌పై తెరకెక్కిన చిత్రం ‘కమిటీ కుర్రోళ్ళు’. ఈ సినిమాను యదు వంశీ డైరెక్ట్ చేయగా, ఆగస్ట్ 9న మంచి బజ్‌తో ఈ మూవీ విడుదలైంది. ఇక ఈ సినిమాకు రిలీజ్ అయిన అన్ని చోట్లా మంచి టాక్ రావడంతో చిత్ర యూనిట్ సక్సెస్ మీట్ నిర్వహించింది.
ఈ సక్సెస్ మీట్‌లో నిహారిక మాట్లాడుతూ.. ‘మా చిత్రాన్ని ఆదరిస్తున్న ప్రేక్షకులందరికీ థాంక్స్. వంశీ గారు మా అందరినీ నమ్మి సినిమాను రిలీజ్ చేసినందుకు థాంక్స్. మంచి చిత్రాన్ని తీస్తే సరిపోదు. అది జనాల వరకు వెళ్లాలి. అలా జనాల వరకు తీసుకెళ్లిన మీడియాకు థాంక్స్. ఇది పీపుల్స్ సినిమా అయింది. ఈ మూవీని ఎవరైనా తక్కువ చేసి మాట్లాడితే జనాలే కౌంటర్లు ఇస్తున్నారు. ఇంత మంచి చిత్రాన్ని తీసినందుకు మా అందరికీ గర్వంగా ఉంది’ అని అన్నారు.
నిర్మాత జయ అడపాక మాట్లాడుతూ..‘మా కమిటీ కుర్రోళ్లు చిత్రానికి మీడియా ముందు నుంచీ సపోర్ట్‌గానే ఉంటోంది. మంచి కంటెంట్‌తో ముందుకు వస్తే ఆదరిస్తామని తెలుగు ఆడియెన్స్ మళ్లీ నిరూపించారు.’ అని అన్నారు.
దర్శకుడు యదు వంశీ మాట్లాడుతూ.. ‘మా చిత్రాన్ని ఆదరిస్తున్న ప్రతీ ఒక్కరికీ థాంక్స్. నాలుగేళ్ల క్రితం ఈ ప్రయాణం మొదలైంది. సక్సెస్ అనే పదం వినడానికి మూడున్నరేళ్లు పట్టింది. ఈ సినిమాను నిర్మించేందుకు చాలా మంది భయపడ్డారు. కానీ నిహారిక గారు ఎక్కడా కాంప్రమైజ్ కాకుండా నిర్మించారు. కమిట్మెంట్ ఉన్న టీం నాకు దొరికినందుకు ఎంతో అదృష్టవంతుడ్ని. నా డైరెక్షన్ టీంకు థాంక్స్. వాళ్లంతా చాలా కష్టపడ్డారు. అనుదీప్ పాటలకు అద్భుతమైన రెస్పాన్స్ వచ్చింది. సినిమాకు పని చేసిన ప్రతీ ఒక్కరికీ థాంక్స్. సినిమా తీయడం గొప్ప కాదు.. మా అందరినీ ఎంకరేజ్ చేసే నిర్మాతలే గొప్ప. మమ్మల్ని నమ్మి ఇంత డబ్బులు పెట్టిన నిర్మాతలకు థాంక్స్.’ అని అన్నారు.
