డైరెక్టర్ మణిరత్నం దర్శకత్వంలో విక్రమ్, ఐశ్వర్య రాయ్ బచ్చన్, జయం రవి, కార్తీ, త్రిష, జయరామ్, ఐశ్వర్య లక్ష్మి, శోభిత ధూళిపాళ, ప్రభు, ఆర్. శరత్ కుమార్, విక్రమ్ ప్రభు, ప్రకాష్ రాజ్ లు ప్రధాన పాత్రల్లో నటించిన చిత్రం పొన్నియిన్ సెల్వన్. ఈ పీరియడ్ యాక్షన్ అడ్వెంచర్ థ్రిల్లర్ థియేటర్ల లో విడుదల అయ్యి ప్రేక్షకులను, అభిమానులను విశేషంగా ఆకట్టుకుంది. ఈ చిత్రం తమిళనాట సెన్సేషన్ క్రియేట్ చేయడం జరిగింది.
అయితే ఈ చిత్రం ఇప్పుడు వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి సిద్ధం అవుతోంది. జెమిని టీవీ లో ఫిబ్రవరి 19 న సాయంత్రం 6 గంటలకు ప్రసారం కానుంది. మద్రాస్ టాకీస్ మరియు లైకా ప్రొడక్షన్స్ ల పై నిర్మించిన ఈ చిత్రానికి ఆస్కార్ అవార్డు గ్రహీత ఏ. ఆర్ రెహమాన్ సంగీతం అందించారు. బుల్లితెర పై ఈ చిత్రం ఎలాంటి రెస్పాన్స్ ను సొంతం చేసుకుంటుందో చూడాలి.
