మావెరిక్ డైరెక్టర్ మణిరత్నం దర్శకత్వంలో తెరకెక్కిన హిస్టారికల్ యాక్షన్ అడ్వెంచర్ పోన్నియిన్ సెల్వన్. విక్రమ్, ఐశ్వర్య రాయ్ బచ్చన్, జయం రవి, కార్తీ, త్రిష, జయరామ్, ఐశ్వర్య లక్ష్మి, శోబిత ధూళిపాళ, ప్రభు, ఆర్ శరత్ కుమార్, విక్రమ్ ప్రభు, ప్రకాష్ రాజ్ తదితరులు నటించిన ఈ చిత్రం థియేటర్ల లో విడుదల అయ్యి బాక్సాఫీస్ వద్ద భారీ వసూళ్లను రాబట్టి సెన్సేషన్ క్రియేట్ చేయడం జరిగింది.
ఈ చిత్రం ఇప్పుడు వరల్డ్ టెలివిజన్ ప్రీమియర్ కి సిద్ధం అవుతోంది. త్వరలో జెమిని టీవీ లో వరల్డ్ టెలివిజన్ ప్రీమియర్ గా ప్రేక్షకుల ముందుకు రానుంది. మద్రాస్ టాకీస్ మరియు లైకా ప్రొడక్షన్స్ పతాకంపై భారీ స్థాయిలో నిర్మించిన ఈ చిత్రానికి ఏ. ఆర్ రెహమాన్ సంగీతం అందించారు. ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.