సి సెంటర్లలో సీటీ వేస్తూ చూడాల్సిన సినిమా – పూరీ జగన్నాథ్!

అందరూ ఎంతో ఆసక్తిగా ఎదురుచూస్తున్న చిత్రాలలో డాషింగ్ డైరెక్టర్ పూరి జగన్నాథ్ దర్శకత్వంలో తెరకెక్కిన డబుల్ ఇస్మార్ట్ ఒకటి. ఈ ఆగస్టు 15 వ తేదీన తెలుగు, తమిళం, హిందీ, కన్నడ, మలయాళ భాషల్లో రిలీజ్ కాబోతున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. రామ్ పోతినేని టైటిల్ రోల్ లో నటించగా, కావ్య థాపర్, బాలీవుడ్ నటుడు సంజయ్ దత్ లు కీలక పాత్రల్లో కనిపించనున్నారు. మేకర్స్ నేడు ట్రైలర్ లాంఛ్ ఈవెంట్ ను వైజాగ్ లో చాలా గ్రాండ్ గా నిర్వహించారు.

ఈ వేడుకకి హాజరు కాకపోవడంతో పూరి జగన్నాధ్ ఒక వీడియో ద్వారా అభిమానులకి తన సందేశాన్ని అందించారు. సెన్సార్ కోసం, ఫైనల్ మిక్సింగ్ చేస్తూ ముంబై లో బిజీగా ఉన్నట్లు పేర్కొన్నారు. వైజాగ్ లో అన్ని థియేటర్ల లో సినిమాలు చూసా అని, అక్కడ సినిమాల పై పిచ్చి తగ్గకనే డైరెక్టర్ అయ్యా అంటూ చెప్పుకొచ్చారు. సినిమా సక్సెస్ అయ్యాక, పర్సనల్ గా అందరినీ వైజాగ్ లో కలుస్తా అని అన్నారు. డబుల్ ఇస్మార్ట్ చిత్రం ట్రైలర్ ను ఎంజాయ్ చేయండి, సీ సెంటర్ లలో సిటీ వేస్తూ చూడాల్సిన చిత్రమిది అని అన్నారు. మెలోడీ బ్రహ్మ మణిశర్మ సంగీతం అందిస్తున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.