మీ అందరినీ కలవాలని ఉంది – పూరీ జగన్నాథ్

ఇస్మార్ట్ శంకర్ బ్లాక్ బస్టర్ తర్వాత ఎనర్జిటిక్ స్టార్, హీరో రామ్ పోతినేని, డాషింగ్ డైరెక్టర్ పూరి జగన్నాధ్ డబుల్ ఇస్మార్ట్ తో మళ్లీ ప్రేక్షకుల ముందుకు వస్తున్నారు. బాలీవుడ్ నటుడు సంజయ్ దత్‌ ఇందులో విలన్ పాత్రలో నటిస్తున్నారు. ఆగస్ట్ 15, 2024 న వరల్డ్ వైడ్ గా థియేటర్లలో రిలీజ్ కి రెడీ అయిన ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి. మేకర్స్ మ్యూజికల్ ప్రమోషన్స్ ను షురూ చేశారు. ఈ చిత్రం నుండి ఫస్ట్ సింగిల్ అయిన స్టెప్పా మార్ ను రిలీజ్ చేయగా, సెన్సేషన్ రెస్పాన్స్ వచ్చింది. తాజాగా తెలుగుతో పాటుగా, హిందీ, తమిళం, కన్నడ, మలయాళ భాషల్లో కూడా సాంగ్ ను రిలీజ్ చేశారు.

ఈ పాటకి వస్తున్న రీల్స్ పట్ల డైరెక్టర్ పూరీ జగన్నాథ్ సంతోషం వ్యక్తం చేస్తున్నారు. మణిశర్మ పుట్టిన రోజు సందర్భంగా స్టెప్పా మార్ సాంగ్ గురించి మాట్లాడటం జరిగింది. తనకు ఎన్నో బ్లాక్ బస్టర్ ఆల్బమ్స్ ఇచ్చారు అని, స్టెప్పా మార్ లో మ్యూజిక్ ఎంత బాగుందో, రామ్ కూడా అంతే ఎనర్జిటిక్ గా డాన్స్ చేశారు అని అన్నారు. ఈ సాంగ్ కి వస్తున్న రీల్స్ చేసే వారి అందరినీ కలవాలని ఉంది అంటూ చెప్పుకొచ్చారు. పెద్దమ్మ గుడి లో లంచ్ కి ఏదో ఒకరోజు కలుద్దాం అని, త్వరలో ఇన్ఫార్మ్ చేస్తా అంటూ చెప్పుకొచ్చారు. ఈ వీడియో సోషల్ మీడియాలో వైరల్ అవుతోంది. ఈ చిత్రంలో కావ్య థాపర్ హీరోయిన్ గా నటిస్తుండగా, పూరి జగన్నాథ్, ఛార్మి కౌర్ లు నిర్మిస్తున్నారు. ఇస్మార్ట్ శంకర్ తరహాలో ఈ చిత్రం కూడా బ్లాక్ బస్టర్ హిట్ ను సాధిస్తుంది అని మేకర్స్ ఆశాభావం వ్యక్తం చేస్తున్నారు.