డాషింగ్ డైరెక్టర్ పూరి జగన్నాథ్ దర్శకత్వంలో ఎనర్జిటిక్ స్టార్ రామ్ పోతినేని హీరోగా వచ్చిన “డబుల్ ఇస్మార్ట్” ఆశించిన స్థాయిలో పాజిటివ్ టాక్ ను తెచ్చుకోలేక పోయింది. ముఖ్యంగా పూరి గత సినిమాలతో పోల్చుకుంటే.. ఈ సినిమాలో బలమైన కంటెంట్ మిస్ అయ్యింది అంటూ కామెంట్స్ వినిపించాయి. ఈ నేపథ్యంలో పూరి కొత్త సినిమా పై ఓ అప్ డేట్ వినిపిస్తోంది. ఆ మధ్య బాలయ్య బాబు కోసం ఓ పవర్ ఫుల్ కథని రాశాడు పూరి.
నిజానికి లైగర్ తర్వాత పూరి జగన్నాథ్ – బాలయ్య కలయికలో సినిమా వస్తోంది అంటూ బాగా ప్రచారం జరిగింది. కానీ, ఆ తర్వాత “డబుల్ ఇస్మార్ట్” చేశాడు పూరి. ఐతే, ప్రస్తుతం పూరి – బాలయ్య కాంబినేషన్ లో సినిమా వస్తోంది అంటూ ప్రచారం జరుగుతుంది.త్వరలోనే బాలయ్యను కలిసి తన కథను పూరి వినిపించబోతున్నాడని.. ప్రస్తుతం కథ పై కసరత్తులు చేస్తున్నాడని తెలుస్తోంది. కాకపోతే, పూరి కథలో మంచి డెప్త్ ఉంటే తప్పితే బాలయ్య డేట్స్ ఇవ్వకపోవచ్చు. మరి బాలయ్య – పూరి కాంబినేషన్ సెట్ అవుతుందో లేదో చూడాలి.
