పుష్ప ది రైజ్ (Pushpa the rise) మూవీ తో సూపర్ క్రేజ్ ను సొంతం చేసుకున్నారు ఐకాన్ స్టార్ అల్లు అర్జున్ (Allu Arjun). ఈ చిత్రం బన్నీ కెరీర్ లో కీలక మైలురాయిగా నిలిచిపోయింది. ఈ చిత్రానికి సీక్వెల్ పుష్ప 2 ది రూల్ (Pushpa 2 the rule) భారీ బడ్జెట్ తో తెరకెక్కుతోంది. ఐకాన్ స్టార్ సరసన హీరోయిన్ గా రష్మిక మందన్న (Rashmika Mandanna) నటిస్తుండగా, స్టార్ డైరెక్టర్ సుకుమార్ (Sukumar) ఈ సినిమాకి దర్శకత్వం వహిస్తున్నారు. ఇప్పటికే సినిమా నుండి రిలీజైన ప్రచార చిత్రాలకి ప్రేక్షకుల నుండి, అభిమానుల నుండి సెన్సేషన్ రెస్పాన్స్ వచ్చింది.
నేడు బన్నీ బర్త్ డే సందర్భంగా రిలీజ్ చేసిన టీజర్ కి అద్దిరిపోయే రెస్పాన్స్ వస్తోంది. పుష్పరాజ్ గెటప్ కి ఆడియెన్స్ ఫిదా అయిపోయారు. భారీ వ్యూస్ తో టీజర్ యూ ట్యూబ్ ను షేక్ చేస్తోంది. ఇప్పటికే టాప్ లో ట్రెండ్ అవుతున్న ఈ సినిమా టీజర్ 18 మిలియన్స్ కి పైగా వ్యూస్ ను సొంతం చేసుకుంది. భారీ లైక్స్ తో టీజర్ పలు రికార్డ్ లను క్రియేట్ చేస్తోంది. ఆగస్ట్ 15, 2024 న రిలీజ్ కానున్న ఈ సినిమాలో ఫాహద్ ఫజిల్, అనసూయ భరద్వాజ్, సునీల్, బ్రహ్మాజీ, రావు రమేష్, ధనంజయ తదితరులు కీలక పాత్రల్లో నటిస్తున్నారు. రాక్ స్టార్ దేవి శ్రీ ప్రసాద్ సంగీతం అందిస్తున్న ఈ సినిమా కోసం ఆడియెన్స్ ఎంతగానో ఎదురు చూస్తున్నారు.
