ఐకాన్ స్టార్ అల్లు అర్జున్ నటిస్తున్న లేటెస్ట్ మూవీ ‘పుష్ప-2’ ఇప్పటికే దేశవ్యాప్తంగా ఎలాంటి బజ్‌ని క్రియేట్ చేసిందో అందరికీ తెలిసిందే. ఈ సినిమాను సుకుమార్ డైరెక్ట్ చేస్తున్నాడు. ఇక ఈ సినిమాను వరల్డ్‌వైడ్‌గా డిసెంబర్ 5న గ్రాండ్ రిలీజ్‌కు రెడీ చేశారు. ఈ క్రమంలో ఈ మూవీ తాజాగా సెన్సార్ పనులు కూడా పూర్తి చేసుకుంది.
ఈ సినిమాకు సెన్సార్ బోర్డు యూ/ఏ సర్టిఫికెట్ జారీ చేసింది. ఈ చిత్రం ఆద్యంతం యాక్షన్ ఎంటర్‌టైనర్‌గా ప్రేక్షకులను ఆకట్టుకుంటుందని మేకర్స్ ధీమా వ్యక్తం చేస్తున్నారు. అన్ని వర్గాల ప్రేక్షకులను అలరించే అంశాలు ఈ సినిమాలో పుష్కలంగా ఉన్నాయని.. ఈ సినిమాతో బన్నీ మరోసారి నేషన్ వైడ్‌గా తన మార్క్ వేసుకుంటాడని చిత్ర యూనిట్ చెబుతోంది.
ఇక ఈ సినిమాలో అందాల భామ రష్మిక మందన్న హీరోయిన్‌గా నటిస్తుండగా దేవిశ్రీ ప్రసాద్ సంగీతం అందిస్తున్నాడు. ఈ చిత్రాన్ని మైత్రీ మూవీ మేకర్స్ ప్రొడ్యూస్ చేస్తున్నారు.