ఐకాన్ స్టార్ అల్లు అర్జున్ లేటెస్ట్ మూవీ ‘పుష్ప-2’ కోసం ప్రేక్షకులు ఏ రేంజ్‌లో ఎదురుచూస్తున్నారో అందరికీ తెలిసిందే. ఈ సినిమాను సుకుమార్ అత్యంత ప్రెస్టీజియస్‌గా తెరకెక్కిస్తుండటంతో ఈ సినిమాను ఎప్పుడెప్పుడు చూద్దామా అని అందరూ ఆసక్తిగా చూస్తున్నారు. ఇక ఈ సినిమా ప్రమోషన్స్ ప్రస్తుతం టాక్ ఆఫ్ ది నేషన్‌గా మారాయి.
ఇప్పటికే పలు నగరాల్లో ఈ సినిమా ఈవెంట్‌లు నిర్వహిస్తుండటంతో ప్రేక్షకుల్లో ఈ సినిమాపై అదిరిపోయే అంచనాలు ఏర్పడ్డాయి. అయితే, తాజాగా ఈ సినిమా ఈవెంట్‌ను ముంబైలో నిర్వహించేందుకు మేకర్స్ రెడీ అయ్యారు. ఈ ముంబై ఈవెంట్‌ను నవంబర్ 29న మధ్యాహ్నం 2 గంటలకు నిర్వహిస్తున్నట్లు మేకర్స్ వెల్లడించారు. దీంతో ఈ ఈవెంట్ ఎలా జరగబోతుందా అని అందరూ ఆసక్తిగా చూస్తున్నారు.
